Nëna e Jurgen Klopp ka ndërruar jetë, por trajneri nuk mund të marrë pjesë në varrim

Të mërkurën në mëngjes u pa njoftimin zyrtar i vdekjes së Elisabeth Klopp, nënës së trajnerit të Liverpoolit, Jurgen Klopp.

Sidoqoftë, Klopp nuk do të lejohet të udhëtojë në Gjermani për varrimin e nënës së tij për shkak të protokolleve të udhëtimit COVID-19.

Në vend të kësaj, ish- trajneri i Borussia Dortmund nisi një mesazh lamtumire publike në gazetën gjermane Schwarzwaelder Bote me disa fjalë mjaft prekëse për nënën e tij të ndjerë.

“Ajo nënkuptonte gjithçka për mua. Një nënë e vërtetë në kuptimin më të mirë të fjalës”.

“Si një e krishterë e devotshme e di që tani ajo do të jetë në një vend më të mirë”, ka shkruar Klopp .

Klopp për herë të fundit ishte në gjendje të vizitonte nënën e tij në 80 vjetorin e lindjes dhe ai është i vendosur të bëjë nderimet e tij në mënyrën tradicionale kur të lejohen kufizimet e udhëtimit.

“Fakti që nuk jam në gjendje të jem atje është për shkak të faktit se jemi në kohë të tmerrshme, por kur rrethanat ta lejojnë, unë do t’i bëj asaj përkujtimin e mrekullueshëm që meriton”, deklaroi ai. /Telegrafi/