Në Shqipëri shënohen 162 raste të reja me coronavirus, katër të vdekur

Ministria e Shëndetësisë në Shqipëri njofton se gjatë 24 orëve të fundit janë kryer 914 testime mes të cilëve kanë rezultuar pozitivë 162 raste të reja duke e çuar në 14,730 numrin e përgjithshëm të të infektuarve.

Po ashtu katër persona kanë humbur betejën me Covid.

Gjithashtu fatmirësisht betejën me Covid e kanë fituar 150 qytetarë, duke e çuar në 9115 numrin e të shëruarve në vend që prej fillimit të epidemisë.

Rastet pozitive të konfirmuara në 24 orët e fundit janë identifikuar në këto bashki: 63 të prekur në Tiranë, 16 raste në Korçë, 10 raste në Durrës, 9 raste në Shkodër, 6 raste në Kavajë, 5 raste në Fier, Lezhë, Vlorë, Pogradec, 4 raste në Kuçovë, 3 raste në Lushnje, Berat, Mallakastër, Gramsh, 2 raste në Krujë, Devoll, Elbasan, Kukës, Dibër, 1 rast në Has, Pukë, Librazhd, Gjirokastër, Përmet, Sarandë, Ura Vajgurore, Përrenjas, Roskovec, Kolonjë, Shijak, Skrapar.

Ndërkohë në spitalin Infektiv dhe “Shefqet Ndroqi” po trajtohen 231 pacientë, 17 në terapi intensive nga të cilët 4 pacientë janë të intubuar.

Në 24 orët e fundit, me gjithë përpjekjet e mjekëve, fatkeqësisht e kanë humbur betejën me COVID19, një 47 vjeçar nga Tirana, një 68 vjeçare nga Kavaja, një 72 vjeçar nga Shkodra, një 75 vjeçar nga Korça.

COVID-19 – Statistika (7 Tetor 2020)

Raste të reja ditore                   162

Të shëruar ne 24 orë                150

Humbje jete në 24 orë             4

Testime ditore                          914

Testime totale              94,840

Raste pozitive              14,730

Raste të shëruara           9115

Raste Aktive                 5208

Humbje jete                     407

Shpërndarja gjeografike e rasteve aktive sipas qarqeve:

Tiranë  2711

Durrës    563

Shkodër    393

Lezhë        256

Korçë    253

Elbasan    226

Fier        225

Vlorë   185

Kukës        139

Berat     125

Dibër   77

Gjirokastër   55