Në rajonin e Tetovës votuan 78.939 qytetarë, të pavlershme ishin 1.093 vota

Në gjashtë komunat në rrethinën e Tetovës, gjithsej 78.939 persona votuan në zgjedhjet e parakohshme parlamentare, të regjistruara në uebfaqen e Komisionit Shtetëror Zgjedhor pas publikimit të rezultateve fillestare jozyrtare.

Numri më i madh i votuesve janë në komunën më të madhe të Tetovës ku të drejtën e votës e ushtruan 40.259 qytetarë ose 45.64% nga numri i përgjithshëm i 84.541 votuesve. 44.228 fletëvotime mbetën të papërdorura, ndërsa 1.093 fletëvotime ishin të pavlefshme.

Nga partitë në komunën e Tetovës, BDI mori më shumë vota me 11.909 ose 30.36 përqind, e ndjekur nga koalicioni Aleanca për Shqiptarët- Alternativa me 8.412 vota (21.44%), Koalicioni “Mundemi” me 7,417 vota (18.91%), OBRM-PDUKM me 5.483 vota (13.98%), PDSH me 5.091 vota (12.98%) dhe “E Majta” me 462 vota (1.18%). Partitë e tjera janë më pak se një përqind.

Në komunën e Bogovinës, nga gjithsej 10.229 vota, koalicioni Aleanca për Shqiptarët-Alternativa fitoi më së shumti me 43.03 përqind ose 4.337 vota. Në komunën e Brvenicës, nga 6.539 votues, më shumë vota mori OBRM-PDUKM, 1.955 vota ose 30.55 përqind. Në Zhelinë, nga 7.985 vota, BDI ka më së shumti, 2.726 ose 34.8 përqind. Në Jegunovcë, OBRM-PDUKM fituan me 1.787 vota ose 38.84 përqind. Në komunën e Tearces, votuan gjithsej 9.186 qytetarë, ndërsa BDI fitoi më së shumti besim me 2.811 vota ose 31.33 përqind./Telegrafi/