Ndërron jetë drejtori i spitalit në Kinë ku po trajtohej coronavirusi?

Drejtori i spitalit në epiqendrën e coronavirusit të Kinës ka vdekur vetë nga sëmundja.

Kështu së paku shkruajnë media si The Telegraph dhe të tjera, sipas të cilave, Dr. Liu Zhiming, drejtor i Spitalit Wuhan Wuchang, vdiq sot nga virusi i quajtur zyrtarisht COVID 19, përcjell Telegrafi.

Numri i vdekjeve nga coronavirusi në territorin e Kinës arriti në 1.770 të dielën, me 105 më shumë nga një ditë më parë, tha Komisioni Kombëtar i Shëndetit në vend.

Liu Zhiming, director of #Wuhan Wuchang Hospital, died on Feb. 17 due to the infection with #COVID19. He is the first hospital director that died from #coronavirus. #RIP pic.twitter.com/fva8E2pDz6

— People’s Daily, China (@PDChina) February 17, 2020

Gjithashtu është bërë e ditur se numri i vdekjeve të reja në provincën qendrore Hubei të Kinës nga shpërthimi i coronavirusit u rrit me 100 që nga e diela.

Veç këtyre është thënë se në të gjithë territorin e Kinës, kishte 2.048 infeksione të reja të konfirmuara të dielën. Numri i përgjithshëm deri më tani ka arritur në 70.548.

Rritja e fundit në numrin e rasteve të reja të raportuara të coronavirusit në Hubei pas dy ditësh të rënies, vjen pasi autoritetet vendosën kufizime të reja të ashpra në lëvizje për të parandaluar përhapjen e sëmundjes. /Telegrafi/