Ndërmarrësit nga e gjithë bota mblidhen në Sofje për Konferencën Globale të CEED-it

Mbi 300 ndërmarrës dhe profesionistë të biznesit nga e gjithë bota do të mblidhen më 14 prill në “Tek Parkun e Sofjes” në Bullgari për Konferencën Globale të CEED-it. CEED Global feston përvjetorin e 10-të këtë vit dhe ka përzgjedhur CEED Bullgarinë si mikpritës, pasi ishte qendra e parë e themeluar në vitin 2005. Tema për këtë vit është “A jeni gati për dekadën e ardhshme.” Teknologjia dhe një botë gjithnjë më e globalizuar po ndryshojnë mënyrën se si të gjitha industritë bëjnë biznes. Konferenca do të paraqes udhëheqës nga e gjithë bota të cilët do të parashikojnë trendet dhe largojnë mitet për të ardhmen e ndërmarrësisë dhe biznesit në tërësi. Sigurisht, një numër i madhe i pjesëmarrësve në konferencë do të jenë edhe ndërmarrës të shquar nga Kosova që janë pjesë e rrjetit të CEED Kosova.

Në mesin e folësve kryesorë të ngjarjes janë Eric Schurenberg, kryeredaktor në INC Magazine si dhe Jim Stikeleather, udhëheqës Global i Inovacionit për DELL. Folës të tjerë në këtë ngjarje janë investitorë dhe ndërmarrës të shquar si Galahad Clark (Vivobarefoot), Maria Anselmi (Bisnode), Linus Bile (Eicorn Enterprise Ignition), Ralph Catto (Guiding Capital), Jaka Levstek (D.Labs), dhe emra të njohur nga ekosistemi i ndërmarrësisë Bullgare – Ivaylo Simov, Elvin Guri, Lyuben Belov, Pavel Ezekiev, and Stefan Ganchev.

Qëllimi i takimit global të CEED-it është që anëtarët të shkëmbejnë përvojat, të takojnë partnerë dhe investitorë potencial, si dhe për të eksploruar tregje të reja. “Anëtarët tanë dhe të ftuarit mund të takohen ballë për ballë për të folur rreth mundësive të reja dhe perspektivave të biznesit. Ne kemi ftuar disa nga ekspertët më të mirë në fushën e inovacionit, teknologjisë dhe bizneseve fillestare, sepse ne duam të jemi të dobishëm për zhvillimin e ardhshëm të ndërmarrësisë dhe kulturës ndërmarrëse në rajon dhe në nivel global”, tha Nikolai Yarmov, bashkë-themelues dhe Drejtor në CEED Bullgari.

Për CEED Global:
Për 10 vite CEED-i ka punuar me ndërmarrës dhe pronar të bizneseve për të rritur rrjetin dhe njohuritë e tyre. Me mbi 17 shtete në mbarë boten, CEED ka sjellë së bashku individ me nivel të njejtë të menduarit, që janë në kërkim për të drejtuar biznesin dhe udhëheqjen e tyre në nivel tjetër.
Për më shumë informata rreth konferencës vizitoni www.ceedglobalconference.com , ndërsa tu bërë pjesë e rrjetit ndërkombëtar në CEED, kontaktoni qendrën tuaj lokale në CEED Kosova./Telegrafi