Drejtori Menaxhues i Telekomit të Kosovës, Agron Mustafa, në një intervistë për RTK-në, përveç se ka folur për zhvillimet e fundit në këtë kompani, është përgjigjur edhe për kontratën që kanë me grupin e njohur të humoristëve Stupcat, pas debateve të fundit lidhur me skeçin që këta të fundit plasuan me rastin e festave.
Sipas tij, kontrata me Stupcat është komerciale. PTK përdorë imazhin e tyre për reklama, marketing etj etj, sikurse në të gjithë botën. Pagesa, kur hiqet TVSH, pasi ajo është e rikthyeshme, është diku rreth 207 mijë euro në vit.
Grupi Stupcat, më herët ishin imazh i Z-Mobile ndërsa nga kjo kompani janë paguar 150 mijë euro në vit. Në shkëmbim të kësaj shume për Z-Mobile Stupcat kanë pasur obligim kontraktuar të realizojnë 7 reklama, ndërsa për PTK-në nuk kanë asnjë kufizim.
Në më pak se 6 muaj, ata kanë realizuar mbi 15 reklama ndërsa brenda një viti numri i reklamave pritet të shkojë në 30 apo 60 për dy vite, disa herë më shumë se Z-Mobile.
Drejtori menaxhues Agron Mustafa, tha se në sajë të punës që është bërë këtë kohë në PTK, duke përfshirë edhe marketingun me Stupcat, është arritur që të rritet numri i klientëve.
“Duke u krahasuar me një vit më parë sot kemi rreth 50 mijë klientë apo numra më shumë. Është fryt i punës së përbashkët. Kemi arritur ta ndalim rënien rapide”, tha Mustafa, i cili në këtë pozitë është emëruar para 10 muajsh.
Ndërkaq, rreth kontratës me Stubcat, Mustafa është shprehur se me vite të tëra Telekomi i Kosovës apo Vala nuk ka pasur fytyra apo imazh të vetin me të cilin është identifikuar.
Në të kaluarën, sipas tij, ka pasur individ të ndryshëm që kanë realizuar apo kanë qenë në funksion të realizimit të reklamave për Valën, mirëpo nuk kanë pasur asnjë fytyrë me të cilën Vala është identifikuar. “Pra, kur I jam bashkangjitur Telekomit apo kam ardhur në Vala në shkurtin e vitit të kaluar në bazë të bisedave me stafin dhe veçanërisht me menagjmentin e marketingut menjëherë është paraqitur nevoja që të kemi dikë si fytyrë apo imazh i cili do të na prezantojë neve si Vala. Pas hulumtimeve dhe bisedave të shumta me stafin tonë të cilët kanë dal në terren për të biseduar me strukturat më të thjeshta të popullatës në vend ka rezultuar që Stupcat janë me të dashurit për popullatën”, ka thënë Mustafa duke shtuar se nga këtu ka lindur ideja që të fillojmë negociatat me ta dhe të arrijmë ndonjë marrëveshje me ta.
“Meqenëse në jemi kompani publike duhet t’i respektojmë procedurat të cilat janë të parapara me ligjin e prokurimit publik dhe në bazë të këtij ligji apo autoritetit përkatës, kanë filluar negociatat dhe në fund kemi arritur të kemi marrëveshje me ta që të jenë fytyrat apo imazhi I Valës apo Telekomit të Kosovës për dy vitet e ardhshme. Dhe këtu kemi parasysh se kemi një ekskluzivitet të fytyrës së Stupcave për valën në aspektin e moslejimit të tyre të bërjes së punës së njëjtë me ndonjë kompani e cila gjendet në industrinë e njëjtë. Nga kjo I bie që ne Stubcave nuk ua kemi ndaluar që ata të kenë aktivitete të tyre të pavarura nga Vala. Por ata e kanë të ndaluar të bëjnë reklama për ndonjë kompani e cila ofron shërbime të njëjta si kompania Vala”, tha ai.
Se a është sponsorizuar nga Vala skeçi I fundit i Stupcave, Mustafa ka thënë se jo. Kjo, pasi siç ka thënë Mustafa Telekomi i Kosovës ka kontratë komerciale me Stupcat. “Jo, skeçi I fundit nuk është sponsorizuar nga Vala. Vala ka kontratë komerciale me Stupcat, ajo është dy vjeçare dhe tashmë kanë kaluar 6 muaj. Kjo, është një kontratë e cila është njëra prej vendimeve më të mira strategjike që kemi bërë si Telekom”, ka thënë Mustafa.
Ai ka thënë se shifrat tregojnë që puna e bërë me Stupcat ka rezultuar pozitive. “Sot kemi 50 mijë numra më shumë se sa që ka pasur Vala vitin e kaluar. Mirëpo, të gjitha aktivitetet e tyre jashtë Vala-s janë të pavarura dhe nuk ndërlidhen me Valën. Pra, ne nuk kemi qenë sponsorizues të atij skeçi tashmë shumë të përfolur”, tha Mustafa. /Telegrafi/
Promo
Reklamo këtuLufta Prigozhin - Putin
Më shumëNga Rubrika
Rritja e pensioneve për 20 për qind, Kurti: Fillon nga ky muaj
Inflacioni në shtator është rritur për 0,2 për qind në krahasim me muajin e njëjtë të vitit të kaluar
“Tiny Realms Under Surreal Tides”, faqe e re e bashkëpunimit midis artit dhe pasurive të paluajtshme
India, anëtare e BRICS refuzon de-dollarizimin - përqafon dollarin amerikan
Pensioni bazik rritet në 120 euro, i kontributpaguesve deri në 318 euro - ja nga sa do të marrin pensionistët pas rritjes prej 20 për qind
Meritaterm vazhdon kampanjën me super zbritje prej 33% për pompën termike më të mirë në treg, Toshiba
Foleja Home: Produkte cilësore dhe moderne për shtëpinë dhe zyren tuaj
Kjo është super platforma për menaxhimin e procesit të dhënies dhe marrjes me qera të veturave
Vezët Bio REA-s: Zgjedhje e shëndetshme për familjen tuaj
104.5m² komfort – Banesë luksoze me pamje tërheqëse për zyret e juaja
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Atletet e famshme Reebook vijnë me zbritje t’hatashme
Kreativiteti i fëmijëve tuaj fillon me këtë tabelë të zezë nga Vitorja – Përfitoni 20% zbritje ekskluzive
A don me u dok si zotni këtë sezon të dasmave?
Kompletoje look-un me 50% zbritje
Rahatoj kamt’ qysh është ma s’miri këtë verë
Më të lexuarat
Arda Guler nga Turqia i dërgon mesazh Carlo Ancelottit për minutazhën te Real Madridi
Çfarë janë uraganet, sa të rrezikshëm janë dhe çfarë mund të ndihmojë në zbutjen e dëmeve?
Mbi 160 mijë euro, 696 kilogramë mjaltë e 250 kilogramë fasule ia gjejnë në shtëpi – Policia arreston të dyshuarin në Ferizaj për kontrabandë e tregti të ndaluar
Pamje nga vizita e Jakup Krasniqit te varri i vëllait, më pas i takon familjarët në fshatin e tij
Kaloi 50 mijë konkurrentë në audicion - kush është Nora Tushi, shqiptarja që po mahnit jurinë gjermane
Berisha: Do të dalin audio-incizime të tjera, do të na vijë turp