A mund të ju besohet anketave? Përgjigjen ekspertët (Video)

Anketat e fundit që nxorrën në opinion popullaritetin dhe ndikimin e partive politike, nuk mund të jenë njësi matëse për besueshmërinë e qytetarëve tek lidershipi i vendit. Kështu mendojnë një pjesë e njohësve të rrethanave politike.
Analisti politik Ismet Ramadani për Tv21 thotë se në përgjigjet e qytetarëve gjatë anketave publike varet më shumë momenti politik kur është realizuar anketa.

“Më pak është gabimi te Institutet apo te ata që i bëjnë anketat, për mënyrën ose metodologjinë e punës që e kanë, sa ambienti. Domethënë, ambienti i tensionuar politik ndonjëherë nuk mund të merret shumë relevante për anketa sepse qytetarët jetojnë nën kushte dhe veprojnë kur ka varshmëri, ka frikësime, ka kërcënime, ka kushtëzime, të gjitha këto e humbin ndonjëherë edhe relevancën e vetë anketave”, tha ai.

Për sociologun Ilija Acevskin, anketave jo gjithmonë duhet t’u besohet.

“Anketat, në varësi prej shumë faktorëve, mund të jenë manipuluese. Kryesisht ne themi, mendimi publik është si fushë e minuar, ku do të shkelni aty do të eksplodojë. Në këtë kontekst, gjërat dhe qëndrimet mund shpejt të ndryshojnë, në varësi prej vetë situatës dhe këtu nuk ka vend për besueshmëri”, theksoi Acevski.

Ditëve të fundit Instituti Ndërkombëtar Republikan dhe disa agjenci tjera shpallën rezultatet e tyre në bazë të sondazheve mbi besueshmërinë e qytetarëve tek partitë politike. Sipas IRI-t qytetarët sugjerojnë se lideri aktual i VMRO – DPMNE-së Nikolla Gruevski nuk duhet të ri-zgjidhet ndërsa nga

Nga ana tjetër sondazhi i Institutit “Pavel Shatev” thekson se VMRO – DPMNE-ja ka besueshmëri prej 26 % për dallim prej LSDM-së e cila del vetëm me 10%. Ndërkaq, te partitë shqiptare, IRI nxjerr BDI-në me 6% mbështetje, PDSH-në me 3% dhe Lëvizjen Besa me 4% përkrahje të qytetarëve./Telegrafi/