Mozzik feston ditëlindjen, uron veten në mënyrë të veçantë

Reperi i njohur i skenës shqiptare, Gramos Aliu i njohur si Mozzik, sot (e diel), feston ditëlindjen e 24-të.

Me këtë rast, ai ka pranuar një sërë urimesh nga familjarët, miqtë dhe kolegët e tij.

I njëjti po ashtu ka zgjedhur një imazh mjaft të veçantë për t’ia uruar vetes ditëlindjen, ndërsa ka bërë një montazh të një fotografie kur ishte i vogël me tani dhe si përshkrim poshtë ka thënien e famshme të tij, “2 Euro Gang”.

https://www.instagram.com/p/B2-IujViYG7/

“ZOT! Për 24 vite jetë!Faleminderit për shëndetin e gjitha gjërat e mira qe kam në jetë”, ka shkruar krahas këtij imazhi reperi ferizajas.

Mozzik tash e shumë vite është pjesë e estradës shqiptare, ku ka filluar te labeli i njohur “On Records” bashkë me të vëllanë, Getinjon, të cilët u larguan më vonë për të vepruar si artistë të lirë.

I njëjti tash e një kohë është zhvendosur në Zvicër për të jetuar bashkë me familje, gruan Loredanën dhe vajzën, Hana, por që duket se dyshja tanimë kanë ndarë rrugët.

https://www.instagram.com/p/B2G12eeF5W7/

Ndërkaq, “2 Euro Gang” mban titullin grupi që artisti e ka krijuar së bashku me të vëllanë, Getinjon, për shkak të së kaluarës së tyre. /Telegrafi/