Moteli në Indiana ‘ua sheh hajrin’ të arratisurve nga burgu – një lumë kërkesash për rezervim pas qëndrimit të tyre për rreth 11 ditë në të

Një listë pritjeje thuhet se po rritet gjithnjë e më shumë në një motel në Indiana, pasi të ftuarit e mundshëm shpresojnë të qëndrojnë në dhomën ku qëndruan dy të arratisur nga një burg.

Bëhet fjalë për të dyshuarin për vrasje, Casey White dhe rojën e burgut Vicky White, të cilët dyshohet se qëndruan të fshehur për një pjesë të 11 ditëve të tyre në arrati, sipas një raporti të fundit.

Lexo po ashtu Momenti kur zyrtarja në Alabama ndihmoi arratisjen e ‘vrasësit’ – me të cilin kishin një 'marrëdhënie të veçantë' në burg

Sipas mediave të huaja, përcjell Telegrafi, dhjetëra njerëz kanë shtuar emrat e tyre në listën e pritjes duke shpresuar të marrin me qira dhomën e Motel 41, ku qëndruan të arratisurit nga Qendra e Paraburgimit të Qarkut Lauderdale në Firence, Alabama.

Lexo po ashtu Përfundim dramatik i kërkimit 11 ditor të zyrtares së burgut dhe ‘vrasësit’ në Alabama - të cilin ajo e ndihmoi të arratisej

Mediat citojnë një nëpunës anonim moteli duke shtuar se lista e pritjes ishte rritur në të paktën 70 emra njerëzish që shpresonin të qëndronin në dhomën e tyre, nr. 150, deri pasditen e së hënës.

Lexo po ashtu Momenti kur zyrtarja në Alabama ndihmoi arratisjen e ‘vrasësit’ – me të cilin kishin një 'marrëdhënie të veçantë' në burg

Ndryshe, Casey White, 38, dhe 56-vjeçarja Vicky White dyshohet se ishin strehuar në Evansville, Indiana, Motel 41 përpara kapjes së tyre më 9 maj.

Ata dyshohet se u larguan nga burgu më shumë se një javë më parë, më 29 prill. /Telegrafi/