Momenti kur tërmeti godet Tiranën gjatë mbledhjes së Qeverisë

Pas tërmetit shkatërrimtar 5.8 ballë të shkallës Rihter, që goditi Shqipërinë të shtunën, rreth orës 16:05 të pasdites, kryeministri Edi Rama thirri mesnatën e kaluar në një mbledhje urgjente qeverinë.

Edhe gjatë mbledhjes së qeverisë në orët e mesnatës, lëkundjet e tërmetit vijonin të godisnin vendin. Një lëkundje e fortë, 5 ballë, është shënuar pikërisht teksa po zhvillohej live mbledhja e qeverisë.

Lexo po ashtu Vazhdojnë tërmetet pas mesnate, Shqipëria goditet edhe tri herë

Ka qenë ministri i Brendshëm, Sandër Lleshaj, i cili po raportonte mbi masat policore ndaj pasojave të tërmetit, kur ka thënë se “po përpiqem mos më lëkundet zëri mua, se godina po lëkundet”.

https://www.facebook.com/zeriamerikes/videos/550074425797079/

Kryeministri Edi Rama u kthye nga Gjermania sapo ndodhi ngjarja.

“Një mirënjohje e thellë për bluzat e bardha për punën e bërë. Edhe pse isha larg, kam marrë në kohë reale çdo informacion, kjo edhe falë grupeve të ëhatsappit”, tha kryeministri i vendi.

Lexo po ashtu Të gjitha lajmet nga Tërmet në Shqipëri

“Fatmirësisht nuk ka asnjë viktimë dhe kjo është një arsye për të marrë frymë në mënyrë të lehtësuar. Ka pasur persona të plagosur dhe ata kanë marrë ndihmë mjekësore, urojmë që të gjithëve shërim të shpejtë.

Do të jemi me kapacitet të plotë. Dua të falënderoj jo formalisht, të gjithë trupën e bluzave të bardha dhe të gjithë trupën e kujdesit shëndetësor për organizmin e mirë për gjatë gjithë orëve pas ngjarjes”, tha Rama./tch/