LAJMI I FUNDIT:

Mocioni i mosbesimit rrezikon t’i shtyjë “zgjedhjet e parakohshme”

Mocioni i mosbesimit rrezikon t’i shtyjë “zgjedhjet e parakohshme”

Deputetët e partisë Nisma për Kosovën kanë ndërmarr iniciativën për mocion të mosbesimit ndaj Qeverisë së Kosovës, por opozitës fillimisht i duhen 40 nënshkrime, në mënyrë që mocioni të procedohet në Kuvend.

Para se mocioni i mosbesimit të procedohet në Kuvend, opozita duhet të jetë e sigurt për votat, pasi nëse mocioni dështon, atëherë duhet të pritet së paku tre muaj për mocionin e radhës dhe opozita humb ‘instrumente’ për rrëzimin e Qeverisë, rrjedhimisht rrezikon t’i shtyjë edhe ‘zgjedhjet e parakohshme’ të kërkuara me ngulm nga partitë opozitare.

Deputeti i Nismës për Kosovën, Enver Hoti në një prononcim për Telegrafin tha se është herët të flitet për rezultatin e mocionit.


Ndërkaq, njohësi i çështjeve juridike, Mazllum Baraliu, në një prononcim për Telegrafin ka komentuar mocionin e ngritur nga “Nisma për Kosovën” për rrëzimin e Qeverisë. Ai tha se kjo iniciativë rrezikon të dështoj.

Baraliu më tej sqaroi se opozitës fillimisht i duhen 40 nënshkrime, në mënyrë që mocioni të procedohet në Kuvend.

“Nëse dështon mocioni, atëherë duhet të pritet tre muaj që të bëhet mocioni i radhës. Vendi nuk mund të shkojë në zgjedhje më herët”, ka shtuar Baraliu.

Ndryshe, në nenin 100 të Kushtetutës së Republikës së Kosovës për mocionin e votëbesimit saktësisht thuhet:

  1. Mocioni i mosbesimit ndaj Qeverisë mund të ngrihet me propozimin e një të tretës (1/3) të të gjithë deputetëve të Kuvendit.
  2. Votëbesimin e Qeverisë mund ta kërkojë Kryeministri.
  3. Mocioni i mosbesimit vihet në rendin e ditës të Kuvendit, jo më vonë se pesë (5) ditë e as më herët se dy (2) ditë nga data e parashtrimit të tij.
  4. Konsiderohet se mocioni i mosbesimit është pranuar, nëse për të kanë votuar shumica e të gjithë deputetëve të Kuvendit të Kosovës.
  5. Nëse mocioni i mosbesimit dështon, mocioni tjetër i mosbesimit nuk mund të ringrihet gjatë nëntëdhjetë (90) ditëve të ardhshme.
  6. Nëse mocioni i mosbesimit votohet për Qeverinë në tërësi, Qeveria konsiderohet në Dorëheqje”. /Telegrafi/

Në trend Lajme

Më shumë
Kërkesat për vizitë, masat e rrepta të sigurisë dhe reagimet – gjithçka nga vizita e Thaçit në QKUK, pas gjendjes së rënduar shëndetësore të babait të tij

Kërkesat për vizitë, masat e rrepta të sigurisë dhe reagimet – gjithçka nga vizita e Thaçit në QKUK, pas gjendjes së rënduar shëndetësore të babait të tij

Lajme
Serbë nga Kosova shkojnë në Beograd “për të mbrojtur presidentin”

Serbë nga Kosova shkojnë në Beograd “për të mbrojtur presidentin”

Lajme
Qeveria e Kosovës mbajti mbledhje elektronike, këto janë vendimet

Qeveria e Kosovës mbajti mbledhje elektronike, këto janë vendimet

Lajme
A është PDK e gatshme t'ia jep Abdixhikut postin e kryeministrit, përgjigjet Bedri Hamza

A është PDK e gatshme t'ia jep Abdixhikut postin e kryeministrit, përgjigjet Bedri Hamza

Politikë
Masakra e Kralanit, e vërteta e dhimbshme e Sheremet Ismajlit - shpëtoi të birin duke marrë vendin e tij në pushkatim

Masakra e Kralanit, e vërteta e dhimbshme e Sheremet Ismajlit - shpëtoi të birin duke marrë vendin e tij në pushkatim

Lajme
E përcolli deri tek shkallët, mjeku i QKUK-së plot emocion rrëfen takimin me Thaçin

E përcolli deri tek shkallët, mjeku i QKUK-së plot emocion rrëfen takimin me Thaçin

Lajme
Kalo në kategori