Milani dhe Leao pritet ta nisin një raund të ri bisedimesh për rinovimin e kontratës

Muaji i ardhshëm do të jetë vendimtar për Rafael Leaon dhe Milanin, ndërsa dy palët thuhet se përgatiten të hapin një raund të ri bisedimesh për rinovimin e kontratës në ditët në vijim.

Drejtori i kuqezinjve, Paolo Maldini, ishte i qartë kur foli për mediat para humbjes së Ligës së Kampionëve nga Chelsea mbrëmë (e martë), duke thënë se klubi dëshironte të lidhë portugezin me një kontratë të re përpara Kupës së Botës.

Ndeshja e fundit e Milanit para turneut është kundër Fiorentinës më 13 nëntor dhe shpresa është që deri atëherë të arrihet një kontratë e re.

Sipas La Gazzetta dello Sport, Milani do të hapë një raund të ri bisedimesh me shoqëruesit e Leaos në ditët në vijim, të etur për të nisur një seri të gjatë negociatash.

Gazzetta – Il rinnovo di Pioli e quello di Leao: Maldini ha le idee molto chiare https://t.co/ywGnIG9jE2

— MilanNews.it (@MilanNewsit) October 12, 2022

Dy palët do të duhet të zgjedhin shumë detaje, që nga paga dhe klauzola e lirimit e deri te beteja ligjore e 23-vjeçarit me Sporting Lisbonën.

Kontrata aktuale e Leaos skadon në vitin 2024 dhe Chelsea ka kohë që synon 23-vjeçarin, kështu që ata po e ndjekin situatën nga afër. /Telegrafi/