Mickoski premton fitore dhe miliarda euro për përmirësimin e jetës së qytetarëve

“Qeveria e ardhshme e OBRM-PDUKM-së në mandatin katërvjeçar do të realizojë investime kapitale për zhvillim në vlerë për jo më pak se dy miliardë euro dhe në mandatin e vet do të realizojë projekte jo më të vogla se katër miliardë euro përmes investimeve të huaja dhe vendore”, tha sot kryetari i OBRM-PDUKM-së, Hristijan Mickoski në tubimin e sotëm partiak “Ripërtëritja po vjen” në Shkup.

Ai tha se do të angazhohet për projekte të cilat do të realizohen në ekonomi me rritje të shpejtë. Mickoski theksoi se qeveria e ardhshme e OBRM-PDUKM-së do t’i investojë një miliardë euro për mbrojtjen e mjedisit jetësor.

“Nuk mund t’ju premtoj se menjëherë do të fillojë të fryjë ajër i pastër alpinist, kjo është e pamundur, por mund t’ju premtoj të paktën 50 për qind ajër më të pastër ambiental për qytetarët e Maqedonisë”.

“OBRM-PDUKM është duke fituar, OBRM-PDUKM do të fitojë së bashku, fuqishëm dhe i bashkuar. Kjo do të thotë një hap drejt qëllimit, ndërsa fundi përfundimtar i këtij pushteti, do të thotë fitore e popullit, dhe vjen për te muaj e gjysmë prej sot”, porositi Mickoski.

Ai shtoi se u kanë rezistuar tre vjet, ndërsa do të rezistojnë edhe tre muaj e gjysmë./Telegrafi/