Mickoski: Në kohë të krizës energjetike, qeveria e Maqedonisë pamundëson punën e kompanive dhe qarkullimin ekonomik

Qeveria antimaqedonase përmes institucioneve të okupuara tradhtoi ekonominë, biznesin dhe drejtpërdrejt qytetarët në Maqedoni, shkruan lideri i OBRM-PDUKM-së Hristijan Mickoski në rrjetet sociale.

“Në vend të një plani, mbështetjeje dhe strategjie për të ndihmuar ekonominë dhe biznesin, ata ofruan një situatë të re të krizës energjetike, në mënyrë që me presion të mund të ndikojnë se cilat kompani, të hapura brenda natës, do të blejnë qymyr, naftë dhe energji elektrike. Në vend që të ndihmonin ekonominë dhe biznesin, ata vazhduan të vjedhin në kushte ku nuk ishte më e vështirë. Ata do të përdorin si justifikim që ka krizë energjitike kudo në Evropë, por e vërteta është se qeveritë pro-shtetërore kujdesen për biznesin dhe qytetarët dhe ofrojnë zgjidhje me politika të qarta. Të dhënat e EUROSTAT-it për gjysmën e dytë të vitit 2021 dhe çmimet e paguara nga biznesi për energjinë elektrike tregojnë se qeveria nuk po thotë të vërtetën dhe e tradhtoi biznesin, përkatësisht:

Biznesi maqedonas ka paguar energjinë elektrike me çmim prej 144,5 €/Mëh, ndërsa biznesmenët në rajon kanë paguar çmimet e mëposhtme për të njëjtën periudhë sipas EUROSTAT:

Mali i Zi 79.2 €/Mwh

Serbia 104,8 €/Mwh

Bosna dhe Hercegovina 84,7 €/Mwh

Turqia 86,9 €/Mwh

Kosovë 73 €/Mwh

Konkluzioni: Biznesi në Maqedoni paguan deri në dyfishin e çmimit të energjisë elektrike sesa biznesi në rajon”, shkruan Mickoski.

Ai shton se kjo qeveri pamundëson punën e kompanive dhe qarkullimin ekonomik të tyre.

“Qeveria përmes institucioneve të pushtuara, pakëson likuiditetin për ekonominë dhe përmes kredive nga bankat vendase, obligacioneve dhe veprimeve të tjera, financon grabitjen me pretekstin e krizës energjetike. Në vend që bankat të financojnë biznesin për t’i mbijetuar kësaj periudhe të vështirë me linja kreditore të buta të mbështetura nga qeveria, qeveria antimaqedonase po rrëmben fondet e pakta rezervë të bankave për të financuar plaçkitjen e REK Manastirit me miniera, qymyr dhe naftë”, ka shkruar mes tjerash Mickoski.

Ai për fund thotë se qytetarët duhet te bëhen gati për një vjeshtë dhe dimër të vështirë si pasoje e keqpërdorimeve nga ana e pushtetit.