Mickoski: Me miratimin e propozimit francez do të ketë ndryshime në tekstet e historisë dhe në tema të tjera

Kryetari i partisë opozitare maqedonase, OBRM-PDUKM, Hristijan Mickoski ka deklaruar se i gjithë protokolli i prezantuar nga ministri i Punëve të Jashtme, Bujar Osmani është kundër Maqedonisë së Veriut.

Sipas tij, Bullgaria nuk e njeh gjuhën maqedone, por Komisioni Evropian mundohet që çështjes t’i jep një trajtim tjetër.

“Para se të zhvillohet ai takim i vërtetë ndërqeveritar kur duhet të miratohet korniza negociuese, ka një pjesë ku bëhen deklarata hyrëse nga qeveria maqedonase dhe KE, së paku ku thuhet se të dy vendet do të bëjnë deklarata të njëanshme. Nuk mendoj! E di se çfarë deklarate të njëanshme do të japin Maqedonia për gjuhën maqedonase e cila është kodifikuar, standardizuar që nga Konferenca e tretë e Kombeve të Bashkuara në vitin 1977 në Greqi? Dhe çfarë deklarate do të bëjë Bullgaria? Pse nuk e thonë këtë? Edhe nëse ka një deklaratë të tretë, KE duhet të thotë se pavarësisht se çfarë themi ne, Bullgaria nuk e njeh gjuhën maqedonase ose ka një trajtim tjetër ndaj saj. Të 26 anëtarët e tjerë nuk kanë dyshim se është gjuha maqedonase”, theksoi kryetari i OBRM-PDUKM-së, Hristijan Mickoski në një emision televiziv.

Mickoski shtoi se gjatë procesit negociator Bullgaria nuk e mbyll çështjen e gjuhës maqedonase.

“Vetë Osmani sot në atë konferencë thotë se do të ketë ndryshim në tekstet shkollore, pra i referohet mbretërisë së Samuelit etj, i referohet edhe ndryshimeve të tjera që duhet t’i nënshtrohen teksteve të historisë dhe a nuk ishte deri dje Protokolli pjesë e kornizës së negociatave, a nuk ishte historia pjesë e kornizës së negociatave?”, tha Mickoski.

Ai theksoi se gjithçka që tha qeveria doli të ishte gënjeshtër.