Mickoski: ‘Bombat’ për Milloshskin janë përgjime ilegale që është dashur të përfundojnë në PSP

Kryetari i OBRM-PDUKM-së, Hristijan Mickoski i vlerësoi si rrena dhe manipulime deklaratat e kreut të LSDM-së, zoran Zaev se materialet e publikuara në ‘Youtube’ të deputetit Antonio Milloshoski, janë materiale të reja.

Sipas tij, bëhet fjalë për përgjime ilegale që është dashur të përfundojnë në PSP, dhe janë lëshuar përmes ‘Youtube’, që, sipas Mickoskit, të thuhet se LSDM nuk ka lëshuar bombat, përcjell Telegrafi Maqedoni.

“Supozoj se do të vazhdojnë edhe më tej në ‘Youtube’ të shfaqen incizime të tilla që do t’i komentojë Zaev. Supozoj se kanë disa punë të pasqaruara me Milloshoskin. Në periudhën që vjen do të kenë mundësi të thonë shumë punë edhe njëri edhe tjetri. Më së miri do të ishte, për shkak se ikën nga unë të ballafaqohemi në duel televiziv, të pranojë me Milloshovskin që të sqarohen”, tha Mickoski.

Sa i përket përmbajtjes së ‘bombave’, Mickoski tha se nuk është e pranueshme.

“Për mua është e papranueshme që funksionarë të lartë në shtet, politikanë, kryeministra dhe kush do tjetër, të ndërhynë te gjykatësit”, tha mes tjerash Mickoski./Telegrafi/