Merkel paralajmëron se Gjermania po shkon drejt ‘katastrofës’, sa i përket rasteve të reja me coronavirus

Kancelarja Angela Merkel ka paralajmëruar se Gjermania po shkon drejt ‘katastrofës’ pasi udhëheqësit rajonalë refuzuan të nënshkruajnë masat e saj të reja të coronavirusit mes rasteve të rritura në Evropë.

Vdekjet nga coronavirusi pothuajse u dyfishuan në Itali dhe të paktën nëntë vende në kontinent panë të enjten numrin më të lartë të infeksioneve ditore.

Dhe sipas Daily Mail, përcjell Telegrafi, Merkel humbi durimin me udhëheqësit e shtetit në bisedimet e natës vonë të mërkurën, duke u thënë atyre: ‘Ajo që kemi rënë dakord nuk është e mjaftueshme për të shmangur katastrofën’.

Kjo erdhi pasi ata ranë dakord për kufizime, duke përfshirë një orar ndalimi të orës 23:00 për bare dhe restorante, kufiri prej 10 personave në tubime dhe përdorimin e detyrueshëm të maskave në zona të jashtme.

Kjo vjen gjithashtu pasi Bosnja dhe Hercegovina, Kroacia, Republika Çeke, Gjermania, Italia, Polonia, Sllovakia, Sllovenia dhe Zvicra regjistruan numrin më të lartë të rasteve ditore të enjten.

Gjermania, e cila regjistroi një rekord prej 6,638 rastesh, raportoi 33 vdekje të reja të enjten, e cila është trefish më e lartë se shifra e regjistruar një javë më parë, megjithëse akoma më pak se fqinjët e saj Evropian.

Por Merkel tha: ‘Nëse më pyetni se çfarë është ajo që më shqetëson, është shkalla eksponenciale e rritjes. Ne duhet ta ndalojmë atë. Përndryshe kjo nuk do të përfundojë mirë’.

Ajo vuri në dukje gjithashtu se vendet fqinje evropiane duhej të merrnin “masa shumë drastike”. /Telegrafi/