Meridian Group feston fitoren me KB Sigal Prishtina

Korporata Meridian e konsoliduar si partner kyç në fushën e distribuimit, me fokus të veçantë në sektorin e ushqimit dhe pijeve dhe me përkushtim maksimal në plotësimin e nevojave dhe kërkesave të tregut, vazhdon të jetë e diferencuar në treg, për angazhimin e vazhdueshëm të ekipit udhëheqës në krijimin e vlerave pozitive në mbarë shoqërinë kosovare.

Kështu, Korporata Meridian vazhdon ta shoh zhvillimin e sportit si pjesë të gjallë dhe të shëndoshë të një shoqërie në zhvillim.

Këtë e dëshmon edhe mbështetja e fortë që kjo korporatë vazhdon t’ia ofrojë tash e dhjetë vite KB Sigal Prishtina – duke qenë një ndër sponsorët kryesor të këtij klubi – klub me traditë të pasur shumëvjecare dhe më i trofeshmi në vendin tonë.

Për ta festuar fitoren e shënuar në ndeshjen e Kupës së Kosovës, Meridian Group ftoi të gjithë lojtarët dhe përfaqësuesit e grupit për vizitë në marketin Meridian Express dhe drekë të organizuar nga Kuzhina Meridian – Meridian Kitchen.

Florian Miftari – Drejtor Ekzekutiv i KB Sigal Prishtina, shprehu falënderim të veçantë për menaxhmentin e kompanisë Meridian dhe theksoi që suksesi i klubit i atribuohet edhe përkrahjes dhe kontributit të dhënë nga kompania si një ndër sponsorët kryesor të klubit përgjatë këtyre dhjetë viteve dhe shpreson që ky kontribut të vazhdojë edhe në të ardhmen.

Nga ana tjetër, Agon Gashi – Drejtor në Korporatën Meridian, tregoi që është me të vërtetë kënaqësi që kontributi i dhënë përgjatë dhjetë viteve po shpërblehet me suksese të vazhdueshme dhe triumfe të mëdha.

Ndër të tjera Gashi, u zotua që përkrahja e Korporatës Meridian do të vazhdojë edhe në të ardhmen.