Menduan se do ta marrin Kievin për pak ditë, rusët i bën keq llogaritë – nga inati që po tërhiqeshin nga ky rajon hodhën në erë helikopterin e tyre

Më 24 shkurt të vitit 2022, ushtria ruse ia kishte mësyrë Ukrainës, duke menduar se për pak ditë do të arrijnë ta marrin nën kontroll Kievin, por doli të jetë krejt ndryshe.

Tani që kur janë bërë më shumë se një vit, rusët nuk po arrijnë të marrin asnjë nga qytetet e mëdha në Ukrainë, madje çdo ditë e më shumë po pësojnë humbje si në makineri luftarake ashtu dhe në njerëz, transmeton Telegrafi.

Pushtimi i Ukrainës ishte urdhëruar të ndodhë nga presidenti rus Vladimir Putin, i cili mendoi se do të jetë e lehtë marrja e kryeqytetit ukrainas, nga i cili u tërhoqën pa arritur të futen brenda tij.

Lexo po ashtu Nënat dhe gratë ruse porosi Putinit: Mos i dërgoni djemtë dhe burrat tanë në luftë

Madje një video e publikuar nga aeroporti Gostomel apo ndryshe i njohur si aeroporti Antonov në periferi të Kievit, shfaq momentin kur rusët hedhin në erë helikopterin e tyre në pamundësi për ta ngritur në ajër nga frika se do ta godasin ukrainasit.

Kjo ndodhi derisa po tërhiqen, pasi ukrainasit filluan kundërofensivën që i detyroi të tërhiqen nga ai rajon. E kjo tërheqje i kushtoi shtrenjtë në pajisje luftarake, ku shumë fluturake dhe mjete të blinduara i braktisën për ta shpëtuar kokën.

Lexo po ashtu ‘Kulmi i betejës’ për Bahmutin, snajperistët ukrainas organizuan një pritë për pjesëtarët e Wagnerit rus – publikohen pamjet

Në videon e publikuar më poshtë, rusët shihet sesi aktivizojnë lëndën shpërthyese me të cilën hedhin në erë helikopterin ushtarak, të cilin nuk patën guxim ta ngritin në ajër dhe të tërhiqen me të.

Nga inati se mund të përfundojë në duart e ukrainasve, vendosën ta shkatërrojnë duke bërë që të mos mbetet as edhe një copë nga fluturakja. /Telegrafi/

A year ago, the Russians blew up their own helicopter while retreating from #Gostomel. The video of the explosion has just appeared online. pic.twitter.com/gWuz109SF2

— NEXTA (@nexta_tv) March 11, 2023