Megjithëse iu sulmuan lojtarët e klubit, Besiktas e humb në tavolinë takimin e ndërprerë kundër Fenerbahçes

Federata e Futbollit të Turqisë ka dhënë vendimin përfundimtar rreth Besiktasit.

Komisioni Disiplinor i ka dhënë fitoren Fenerbahçes me rezultat zyrtar 3-0 pasi që “Shqiponjat e Zeza” nuk pranuan të luanin ndeshjen e ndërprerë javë m parë.

Futbollistët e kampionit aktual nuk pranuan të vazhdimin e takimit pasi që deri tek ndërprerja e ndeshjes erdhi si pasojë e sulmit të tifozëve të Fenerit ndaj lojtarëve dhe stafit të bardhezinjve.

Madje, klubi ka hedhur poshtë edhe kërkesën e presidentit Recep Tayyip Erdogan, i cili i kishte lutur që të dalin në fushë pasi që problemet në shkallët e stadiumit të Fenerit i kishin organizuar ndjekësit të Imamit Fetullah Gulenit.

Gjithashtu Besiktasi do të dënohet dhe do t’i merren të gjitha të ardhurat që ka fituar në Kupën e Turqisë.

Lexo po ashtu Besiktas refuzon kërkesën e TFF-së dhe Erdoganit: Nuk do të vazhdojmë takimin e ndërprerë me Fenerbahçen

Mbetet të shihet nëse skuadra e drejtuar prej Senol Gunes do të dënohet me mos pjesëmarrje në sezonin e ardhshëm në këtë garë.

Ndryshe, Fenerbahçe në finale do të takohet me Akhisar Belediye Spor, e cila eliminoi në gjysmëfinale Galatasarayn. /Telegrafi/