Marrëveshja Qiej të hapur hyn në fuqi

Kufizimeve afatgjata të vëna tek fluturimet midis BE-së dhe SHBA iu ka ardhur fundi të dielën sipas një marrëveshje të njohur si marrëveshja e Qiejve të Hapur.

Nga ky moment e më pas çdo avion evropian do të ketë mundësi të fluturojë nga çdo aeroport i BE-së për në SHBA, psh një avion si British Airways mund të ketë fluturime nga Roma në New York.

Gjithashtu nuk ka kufizime se nga cilat aeroporte mund të fluturojnë në Evropë, avionët amerikanë.

Linjat ajrore thonë se pakti që u arrit pas katër vjet negociatash do të çojë në më tepër eficensë dhe do të mbajë çmimet të ulura.

Si një nga shtetet e reja anëtare të BE-së, Sllovenia ka hequr kontrollet me Austrinë, Italinë dhe Hungarinë, ndërsa ka forcuar kontrollet me Kroacinë pasi Kroacia është jashtë BE-së.

Kreu i policisë kufitare në Slloveni, Andrej Zakrajsek, tha se procedurat në aeroportin e Ljubljanës i janë nënshtruar kontrolleve të forta:

"Ne na është dashur të përgatitemi për të kryer kontroll në kufi për të qenë në linjë me Shengenin. Disa herë u kontrolluam dhe na u konfirmua se puna që po bënim ishte në rregull. Pajisja jonë është e teknologjisë së lartë, kështu që ja ku jemi tan duke pritur hyrje të plotë në zonën Shengen". /bbc/