Man City thyen heshtjen për seancën e 115 akuzave me një deklaratë zyrtare

Manchester City ka komentuar seancën në lidhje me 115 akuzat për herë të parë pas shumë muajsh. 

City akuzohet për thyerje të rregullave financiare për një periudhë të gjatë dhe ka qenë në betejë ligjore me Ligën Premier që nga shtatori. 

Tashmë është bërë e ditur se një vendim në lidhje me këtë çështje do të vijë në muajt e parë të vitit 2025. 

Klubi i ka mohuar me gjithë forcë të gjitha akuzat që janë bërë ndaj tyre dhe në një raport të ri financiar të lëshuar sot (e premte), ata i kanë dedikuar dy paragrafë kësaj çështje. 

Lexo po ashtu Pep Guardiola harton një listë prej 11 lojtarësh – synohet rindërtimi total i Man Cityt

Në rishikimin e tyre vjetor, ku ata festojnë të ardhurat e klubit, City ka thënë se e ‘mirëpret rishikimin e kësaj çështje, duke marrë në konsideratë të gjitha provat e pakundërshtueshme që ekzistojnë në mbështetje të pozicionit të tyre’. 

Pasi të kompletohen të gjitha argumentet në lidhje me këto 115 akuza, një panel prej tre anëtarësh do t’i konsiderojë ato para se të dhurojnë vendimin përfundimtar gjatë muajve në vazhdim. 

Në rast se City shpallet fajtor, ata mund të përfundojnë duke marrë gjoba të mëdha, zbritje të pikëve madje edhe rënie nga elita./Telegrafi/