Makina ra nga 200 metra lartësi, si ndodhi aksidenti me tetë viktima në Këlcyrë

Detaje të reja kanë dalë në dritë nga aksidenti i rëndë me 8 viktima që ndodhi në orët e para të mëngjesit të së martës në aksin rrugor Këlcyrë-Përmet.

Korrenspodenti i Euronews Albania Blerim Kore solli pamjet e rënda nga vendngjarja, ku makina me 7 klandestinë nga vendet e treta dhe shoferi shqiptar përfunduan 200 metra në rrëpirë, poshtë rrugës nacionale.

Dyshohet se shkak për aksidentin ka qenë shpejtësia tej normave të lejuara.

Kore tha se mjeti i ka marrë emigrantët e jashtëligjshëm në zonën e Çarçovës, ku kishin hyrë përmes kufirit të gjelbër nga Greqia.

Lexo po ashtu Del nga rruga në përpjekje për të shpëtuar nga policia, detaje nga aksidenti me tetë viktima në Këlcyrë

Grupi hetimor ndodhet në vendngjarje dhe po vijon punën për nxjerrjen e dy trupave që ndodhen ende në makinë.

“Në sfond duket mnakina e shkatërruar plotësisht. Ekspertët hetimor po vijojnë punën për zbardhjen e rrethanave dhe shkaqeve të aksidentit. Aksidenti ka ndodhur rreth orës 04:00 duke u gdhirë dita e martë. Në makinë kanë qenë 8 persona, bashkë me shoferin. Makina ka dalë nga rruga në afërsi të fshatit Kuqar, afër Këlcyrës. Automjeti i ka marrë personat pasi ata kanë hyrë në Shqipëri nga kufiri i gjelbër në zonën e Çarçovës. Grupi i klandestinëve nga vendet e treta ka ardhur nga Greqia, ku ka hyrë në Shqipëri pasi kaluan malin në zonën e Çarçovës. Pasi kaluan kufirin me këmbë kanë dalë në rrugën kryesore ku kanë hipur në automjetin që u aksidentua. Për të shmangur kontroolet e policisë mjeti ka lëvizur me shpejtësi tej normave të lejuara. Grupet po punojnë për nxjerjen e 2 trupave që janë ende në makinë. Bëhet fjalë për një distancë 150 deri në 200 metra nga rruga, siç e shihni mjeti ka rënë dalë nga rruga dhe ka përfunduar në rrëpirë, anës Vjosës”, tha gazetari.