LSDM: U paraqit agjenti anti-perëndimor Gruevski

LSDM nëpërmjet një kumtese reagon ndaj statusit të publikuar të ish-kryeministrit Nikolla Gruevski.

“U paraqit agjenti anti-perëndimor Nikolla Gruevski, ju dha komandë ushtarëve të tij, Mickoski dhe Baçev kundër Maqedonisë”, thonë nga LSDM duke shtuar se Nikolla Gruevski, i cili sipas tyre është shef i Mickoskit, Baçevit dhe Ivanovit jep urdhra nëpër rrjeteve sociale për ta dëmtuar përparimin dhe përafrimin e Maqedonisë drejt NATO-s dhe Bashkimit Evropian, njofton Telegrafi Maqedoni.

Sipas LSDM-së, nuk kanë mbetur njerëz që dëgjojnë komandat anti-maqedonase të Gruevskit dhe se komandanti i dhunës së 27 prillit më kot po përpiqet për shkak se që moti për qytetarët ai është tregimi përfunduar.

Lexo po ashtu Gruevski për ndryshimet kushtetuese: Sot është nata e fundit që deputetët të mendohen

“Nuk ka pasur të keqe më të madhe për Maqedoninë dhe qytetarëve të saj se sa Nikolla Gruevskit dhe qeverisja e tij kriminale. Këtë qytetarët shumë mirë e dinë”, thuhet në kumtesën e LSDM-së.

Në fund të njoftimit të kësaj partie thuhet se Maqedonia do të jetë anëtare e BE-së dhe NATO-s ndërsa krimineli i dënuar Nikolla Gruevski nuk do të ikë nga drejtësia dhe se do ta mbajë dënimin për të gjitha të këqijat që i bëri Maqedonisë./Telegrafi/