LSDM: OBRM-PDUKM-ja nuk reformohet me Gruevskin në krye

Ndryshimet e mëdha në Komitetin Ekzekutiv të OBRM-PDUKM-së, sipas LSDM-së nuk mund të demokratizojnë këtë parti. Kështu ka deklaruar nënkryetari i LSDM-së, Bllagoja Boçvarski, i pyetur nga mediat se si e komenton daljen nga organi kryesor i partisë, i disa funksionarëve kyç të partisë, përcjell Telegrafi Maqedoni.

Boçvarski tha se OBRM-PDUKM-së i duhen reforma rrënjësore, pasi sipas tij, Nikkolla Gruevski i cili për dhjetë vite mbajti të robëruar shtetin dhe institucionet nuk mund të demokratizojë partinë e tij.

Lexo po ashtu OBRM-PDUKM-ja zgjodhi anëtarë të rinj në Komitetin Ekzekutiv, “Betmeni” pjesë e kryesisë së partisë

“Njeriu i cili për qeverisjen 10-vjeçare si kryeministër i Maqedonisë, e bëri Maqedoninë shtet të robëruar dhe njeriu i cili në pjesën më të madhe e bashkon partinë me shtetin, për çka ishim edhe të kritikuar nga të gjitha institucionet relevante evropiane, nuk mund ta demokratizojë partinë e tij e politike. Secili grim i këtillë që bëhet brenda natës, nuk do të çojë në demokratizim të OBRM-PDUKM-së. Atje duhen reforma të mëdha. Por qytetarët e dinë këtë. Dhe në zgjedhjet e ardhshme lokale në tetor LSDM-ja do ta marrë fitoren e madhe”, ka deklaruar Bllagoja Boçvarski nga LSDM.

OBRM-PDUKM-ja gjatë ditës së djeshme në një mbledhje partiake emëroji persona të rinj në Komitetin Ekzekutiv, ndërsa nga anëtarët të cilët më herët inicuan reforma emrat e rinj u cilësuan si zhgënjyes./Telegrafi/