LSDM: Avari në KRE Manastir – tre blloqe nuk funksionojnë

LSDM opozitare sot kanë reaguar e në KRE Manastir ka ndodhur avari në Bllok 2, duke thënë se pas kësaj avarie prej sot e në ditët e ardhshme kapaciteti i tërësishëm i termocentralit të Manastirit është jashtë kapacitetit energjetik të Maqedonisë, transmeton Telegrafi Maqedoni.

„Tashmë një kohë të gjatë jashtë funksionit janë blloqet 1 dhe 3. Papërgjegjësia dhe paaftësia e sjell në pyetje funksionimin e sistemit energjetik në vend. Opinioni, qytetarët, presin përgjegjësi. Kush do të bart përgjegjësi, me emër dhe mbiemër për gjendjen e këtillë katastrofale në KRE Manastir?“, pyesin nga LSDM.

Nga ELEM kanë konfirmuar se ka avari në KRE Manastir përmes një njoftimi në të cilin thuhet:

„Pritet që ET Manastiri 3 të bashkëngjitet në sistemin e energjisë elektrike më së voni deri në fund të ditës, ndërsa Manastiri 1 do të kyçet gjatë ditës së nesërme”.

“ShA ELEM të gjithë sasitë e energjisë elektrike për nevojat e amvisërive dhe subjekteve në tregun e rregullt i furnizon nga kapacitetet e veta prodhuese”, thuhet më tej në njoftim./Telegrafi/