Liverpooli thyen rekordin e golave të Unitedit në Ligën e Kampionëve

Liverpooli ka vënë një rekord të ri për një sezon të vetëm në Ligën e Kampionëve.

Ekipi i Jurgen Klopp shënoi golin e 32-të dhe 33-të të martën mbrëma në Etihad Stadium në fitorne prej 2-1.

Me golin e 33-të në sezonin 2017-2018, Liverpooli ka thyer rekordin e 32 golave të vendosur nga Manchester United në sezonin 2002-2003 në Ligën e Kampionëve.

Goli i cili barazoi rekordin ishte ai i Salahut, e më pas Firmino e theu atë me golin e dytë.

Njerëzit e Kloppit mund të shtojnë rekordin e tyre në dy ndeshjet e ardhshme dhe në finalen potenciale më 26 maj në Kiev të Ukrainës.

Ishte po ashtu mbrëmje rekordesh për Salahun dhe Firminon, pasi ata u bënë lojtarët e parë të Liverpolit që shënojnë tetë herë në një sezon në Ligën e Kampionëve.

Salah ka 39 gola për Liverpoolin këtë sezon në të gjitha garat duke rrumbullakësuar një sezon të shkëlqyer për ish anësorin e Romës.

Në total, ai ka qenë i përfshirë në gati gjysmën e golave të klubit të tij, një shifër të cilës nuk mund t’i afrohet askush në elitën e futbollit anglez. /Telegrafi/