Liverpool – Man City: Statistika, analizë, formacionet e mundshme dhe parashikim për super derbin anglez

Liverpool dhe Machester City do të përballen në super derbin anglez në kuadër të xhiros së 11-të në Ligën Premier.

Dy klubet që kanë krijuar një rivalitet shumë të mirë kohëve të fundit, do të kërkojnë fitoren, vendasit për të mbetur në garë për pjesën e lartë të tabelës, derisa City për pozitën e parë.

Vendi: Anfield

Koha: 17:30

Lajme rreth ekipeve

Liverpool

Liverpool do të jetë i hendikepuar në këtë sfidë me mungesë të disa futbollistëve.

Naby Keita, Trent Alexander-Arnold, Joel Matip, Luis Diaz, Arthur apo Alex Oxlade-Chamberlain kanë humbur këtë sfidë.

Në anën tjetër në dyshim vazhdojnë të jenë lojtarët si Curtis Jones që u rikthye në stërvitje javën e kaluar dhe Ibrahima Konate që mungoi në stërvitjen e së premtes shkaku i lëndimit.

Manchester City

Mesfushori Kalvin Phillips dhe mbrojtësi Kyle Walker do të jenë jashtë fushave për këtë derbi.

Ndërkohë John Stones është rikthyer nga lëndimi, por është shumë shpejtë që ai të aktivizohet ndaj Liverpoolit.

Fakte

Liverpooli është i pamposhtur në 27 ndeshjet e fundit në kuadër të Ligës Premier në Anfield.

Ka pasur mbi tre gola të shënuara në 15 nga 17 ndeshjet e fundit të Manchester Cityt në Ligën Premier.

Liverpooli ka shënuar të paktën dy gola në 17 nga 21 ndeshjet e fundit në Anfield.

Manchester City është i pamposhtur në 22 ndeshjet e fundit si mysafirë.

Liverpooli është i pamposhtur në 23 nga 24 ndeshjet e fundit në Anfield kundër Manchester Cityt në të gjitha garat.

Analizë

Fillimi i vështirë i sezonit të Liverpoolit në Ligën Premier vazhdoi fundjavën e kaluar, kur lideri aktual Arsenali i mundi ata me rezultat 3-2. Humbja nga Arsenali do të thotë se The Reds tanimë nuk kanë marrë fitore në kampionat që nga fundi i muajit gusht.

Megjithatë, skuadra e Jurgen Klopp në sfidën ndaj Manchester Cityt vije pas fitores 7-1 në Ligën e Kampionëve kundër Rangers në Ibrox Stadium.

Manchester City siguroi një vend në raundin tjetër të Ligës së Kampionëve, pas barazimit të tyre me Kopenhagen si dhe Borussia Dortmund dhe Sevilla duke luajtur një barazim 1-1, dhe vazhdoi serinë e tyre të pamposhtur në Ligën Premier në fundjavë me një fitore 4-0 ndaj Southampton.

City është e vetmja skuadër në Angli që nuk ka pësuar humbje këtë edicion, pasi në nëntë ndeshje ka shtatë fitore e dy barazime.

Duelet mes Liverpool dhe Manchester City kanë qenë thuajse vendimtare për titull viteve të fundit, por në këtë fazë të sezonit gjërat po duken ndryshe, pasi Liverpool për momentin ndodhet në mesin e tabelës dhe largu kreut.

Dy duelet e fundit mes City dhe Liverpool janë fituar nga The Reds në Kupën FA dhe Kupën e Ligës, por djelmoshat e Jurgen Klopp në Ligën Premier nuk dinë për fitore ndaj Cityt që nga viti 2019.

City shihet si favorit për fitore ndeshjen e sotme, duke marrë parasysh edhe krizën e rezultateve që po kalon Liverpooli.

Formacionet e mundshme

Liverpool: Alisson, Gomez, Konate, Van Dijk, Robertson, Thiago, Fabinho, Salah, Jota, Nunez, Firmino.

Man City: Ederson, Cancelo, Akanji, Laporte, Ake, Rodri, Gundogan, Foden, De Bruyne, Bernardo Silva, Haaland.

Parashikimi: Liverpool 1-3 Man City

/Telegrafi/