Librat e ndaluar gjatë komunizmit në Shqipëri

Fshirja e emrave të përkthyesve, redaktorëve, hedhja e librave për karton, pezullimi dhe ndalimi i botimit të veprave të autorëve të shpallur si armiq, pastrim i botimeve të elementëve armiq, autorë shqiptarë e të huaj, botime brenda edhe jashtë, vijnë përmes ekspozitës “Libra të ndaluar në komunizëm”.

Në këto dokumenteve arkivore dhe urdhëresave për ndalimin e qarkullimit të botimeve, prezantohet censura në Shqipëri, censurë kjo që e ka zanafillën që në vendimin e Gjykatores Popullore të Tiranës, që është publikuar në gazetës “Bashkimi” në vitin 1948.

Fillimisht u hoqën nga qarkullimi librat e “dëmshëm” për shoqërinë, ku mes tyre janë autorët si Gjergj Fishta, Krsito Floqi e shumë autorë të tjerë, për të vijuar më pas me urdhëresa të ndryshme të Ministrisë së Arsimit dhe Kulturës, duke hequr vepra të autorëve që mund të ruheshin në Fondet Rezervë të Bibliotekës, ku mes tyre kishte vepra të Kasëm Trebeshinës, Mitrush Kutelit, Ismail Kadares, Dritëro Agollit…

Nuk ka munguar censura as mbi libra të autoreve të huaj, si: Dante ALigeri, Albert Kamy etj.

Ekspozita do të jetë e hapur deri në datë 3 mars. /Report TV/