Laporta dhe Barcelona finalizojnë marrëveshjen biznesi prej 200 milionë eurosh – klubi do të ketë para për blerjet e verës

Barcelona prej disa kohësh po negocion me grupe të ndryshme investuese në përpjekjen e tyre për të mbledhur fonde përpara afatit kalimtar të verës.

Blaugranët janë afër finalizimit të një marrëveshjeje që do të bëjë që klubi të sigurojë 200 milionë euro duke shitur disa nga asetet e klubit.

Siç raportohet nga 2Playbook, Barcelona do të shesë 49 për qind të Barca Licensing Merchandising (BLM) në këmbim të shumës së lartpërmendur.

Duke siguruar ato 200 milionë euro, Barcelona do të jetë në gjendje të balancojë rezervat e saj përpara sezonit të ardhshëm.

Marrëveshja do të finalizohet para 30 qershorit, por fillimisht duhet të ratifikohet nga anëtarët e Barcelonës në një asamble speciale.

Kjo shumë është dukshëm më e ulët se ajo që klubi synonte fillimisht të merrte nga shitja e aseteve të tyre. Barcelona dëshiron që marrëveshja të përfshijë një opsion riblerjeje, siç konfirmoi presidenti Joan Laporta disa javë më parë.

Ndërkohë, Barcelona është ende në bisedime për një marrëveshje të mundshme mbi marrëveshjen CVC nga La Liga që do t’u siguronte atyre të ardhura shtesë.

Duke nënshkruar marrëveshjen CVC, Barcelona do të jetë në gjendje të përmirësojë kufirin e pagave dhe të joshë më shumë lojtarë gjatë verës. /Telegrafi/