Ky është klubi më i urryer në Ligën Premier

Në pritje të sezonit të ri të Ligës Premier që do të nisë fundjavën e 13 dhe 14 gushtit, Chelsea i Antonio Contes e ka fituar tashmë një titull atë të skuadrës më të urryer të kampionatit anglez duke sfiduar për më tepër Manchester United që e ka fituar këtë çmim vitin e kaluar.

Për të kuptuar se sa ishte larg më e urryera në këtë garë ka shërbyer një sondazh i organizuar nga Manchester Evening News.

10 mijë tifozët që kanë marrë pjesë në votim kanë zgjedhur Chelsean si klubin më antipatik që luan në Ligën Premier. Në këtë sondazh fansave u është kërkuar të zgjedhin skuadrën më të pëlqyer por edhe atë më të urryer nga 20 ekipet që marrin pjesë në Ligën Premier.

Lexo po ashtu Lojtarët që ndërruan klub pas paraqitjeve të mira në Euro 2016 (Foto)

Në fund si skuadra më pak e pëlqyer ose më shumë e urryer është përzgjedhur Chelsea kjo edhe për faktin se kanë qenë të shumtë tifozët e Totenhamit dhe Arsenalit dy skuadrave rivale nga i njëjti qytet që kanë marrë pjesë në votim.

Vendin e dytë në këtë klasifikim special e zuri Manchester United, ndërsa pas Djajve të Kuq u pozicionuan me radhë, klubet e tjera të mëdha si Liverpooli, Manchester City, Arsenali dhe Tottenhami.

Në vendin e 20 të këtij klasifikimi u pozicionua Leicesteri. Pavarësisht titullit të fituar në sezonin e kaluar skuadra e Ranierit nuk urrehet nga tifozët e klubeve rivale.