Kush është Yves Clovis që po provohet te Prishtina?

Prishtina është duke provuar lojtarin 20-vjeçar nga Burkina Faso, Yves Clovis Ouedraogo, i cili ka zhvilluar tashmë tri ndeshje miqësore.

Klubi më i trofeshëm nga Kosova është duke ripërtëri ekipin këtë sezon, duke bërë transferuar vetëm lojtarë të rinj në moshë.

Albin Krasniqi, Drilon Islami, Ardian Muja, Ermal Veliqi, Albion Kurtaj, Eridon Maloku dhe Rilind Namani janë emrat që i janë bashkuar Prishtinës në këtë afat kalimtar.

Lexo po ashtu Përditësimi i fundit: Vlera e klubeve të Superligës së Kosovës dhe 15 lojtarët më të vlefshëm

Megjithatë, klubi kryeqytetas nuk dëshiron të ndalet me kaq, pasi tashmë është gati të kryej edhe një transferim.

Bëhet fjalë për mesfushorin me tipare sulmuese, Yves Clovis, i cili tashmë është duke u provuar te Prishtina.

Telegrafi mëson se 20-vjeçari nga Burkina Faso tashmë ka luajtur në miqësoret ndaj 2 Korrikut, Malishevës dhe Dritës, duke bërë paraqitje të mira dhe duke i pëlqyer trajnerit Debatik Curri.

Megjithatë, Curri dhe stafi i tij duan të marrin kohën e duhur deri të arrijnë në vlerësimin real të lojtarit.

Yves Clovis në të kaluarën ka luajtur në nivelet u ulëta të futbollit spanjoll apo më saktë të skuadra CF Talavera B. /Telegrafi/