Kurti: Nuk duhet të vonojmë në shpalljen e zgjedhjeve të reja, kemi shumë punë

Kryetari i Lëvizjes Vetëvendosje, Albin Kurti ka thënë se nuk duhet vonuar me shpalljen e zgjedhjeve të reja parlamentare, sipas tij për të rivendosur legjitimitetin në qeveri.

Kurti përmes një postimi në Twitter, ka shkruar se Gjykata Kushtetuese ka folur ndërsa janë në pritje të vendimit të plotë.

“Nga menaxhimi i pandemisë në rindërtimin e ekonomisë sonë dhe reformimin e sistemit tonë të drejtësisë, ne kemi shumë punë për të bërë, por jemi gati”, ka shkruar Kurti.

Ndryshe, ditën e hëne, Gjykata Kushtetuese ka nxjerr aktgjykim pro kërkesës së Lëvizjes Vetëvendosje për shpalljen të pavlefshëm votimin në Kuvendin e Kosovës për zgjedhjen e Qeverisë Hoti më 3 qershor, pasi për këtë qeveri kishte votuar edhe deputeti Etem Arifi, i cili kishte një aktgjykim përfundimtar nga Gjykata e Apelit.

Gjykata Kushtetuese ka hedhur poshtë votën e deputetit Etem Arifi dhe ka urdhëruar u.d presidenten Vjosa Osmani, që të shpallë zgjedhjet e parakohshme në afat prej 40 ditësh.

Gjatë ditës së sotme, u.d e presidentes së Kosovës ka nisur takimet me liderët politikë ku temë diskutim ishin zgjedhjet, ndërkaq takimet do të vazhdojnë edhe gjatë ditës së nesërme./Telegrafi/

The Court has spoken, and while we await the final verdict, we must not delay in declaring new elections to restore legitimacy to government.

From managing the pandemic to rebuilding our economy and reforming our justice system, we have a lot of work to do, but we are ready.

— Albin Kurti (@albinkurti) December 22, 2020