Kur Diellza Kolgeci këndonte “Si Kleopatra” (Video)

Diellza Kolgeci është e njohur për publikun si një ndër vajzat e cila ka eksperimentuar në shumë fusha.

Fillimet e saj, ajo i ka pasur si modele kur edhe është shpallur “Miss Kosova”, më pas ka luajtur si aktore në filmin “Dashuria e Bjeshkëve të Nemuna”.

Studimet i ka mbaruar për juridik, edhe pse nuk është marrë shumë me këtë fushë, mirëpo me plot gojë, Diellza mund të thuhet se është vajza që di t’i bëjë të gjitha.

Lexo po ashtu Të gjitha lajmet nga Bukuroshet Shqiptare

Ajo është marrë me muzikë që në fëmijëri, ndërsa më pas ka vazhduar edhe si e rritur në disa projekte, shkruan Telegrafi.

Ka të regjistruara mbi pesë këngë, por që njëra nga to mbahet më shumë në mend nga publiku, pasi ishte realizuar edhe me një klip tejet të veçantë.

Në vitin 2003, Diellza kishte realizuar këngën “Si Kleopatra”, të cilin e intepretoi në “Miss Kosova”, një këngë e punuar nga Andin Randrobrava me tekst të Memli Krasniqi.

Klipi i kësaj kënge është realizuar në vitin 2005 ka qenë tejet special, ngase është xhiruar në Egjipt, nga ku mund të thuhet si një ndër klipet e para shqiptare të realizuara në këtë shtet, regjinë e të cilit e kishte bërë vet Diellza. .

Lexo po ashtu Diellza Kolgeci i konsideron të pacipë meshkujt që 'fryhen' me vetura e para (Foto)

Diellza në atë kohë si adhuruese e gjarprit, ishte shfaqur pa frikë me gjarprin e saj Klean në klip, duke e ledhatuar dhe rrëshqitur për gjatë trupit.

“Si Kleopatra”, një klip interesant dhe kontravers në atë kohë ende edhe sot mbahet mend nga publiku, ndonëse nuk gjendet në kanalin YouTube, pos në profilin zyrtar të Diellzës në Facebook.

Në linkun e më poshtëm ju ftojmë të shihni Diellza Kolgecin me klipin e saj “Si Kleopatra”, klip në të cilin duket sikur të ishte vet mbretëresha e Egjiptit. /Telegrafi/