Kjo nuk është shaka: Lojtarëve të Barcelonës u ndalohet të bëjnë dush në stadium pas ndeshjeve dhe pas stërvitjeve

Autoritetet katalunase i kanë ndaluar lojtarët e Barcelonës të bëjnë dush në stadium pas ndeshjeve dhe stërvitjeve, të gjitha me qëllim të kursimit të ujit pas një periudhe historike thatësire në Kataluni.

Këtë sezon, Barcelona i luan ndeshjet e saj në shtëpi në Stadiumin Olimpik, ose Montjuic, siç quhej dikur. Camp Nou aktualisht është duke u rinovuar dhe klubi katalanas është i detyruar të zëvendësojë stadiumin e tij vendas për një kohë.

Megjithatë, në periudhën e kaluar, Katalunia ishte e ekspozuar ndaj një thatësire afatgjatë që filloi vitin e kaluar. Sasia e reshjeve nga shtatori 2022 deri më sot është 17 për qind më e ulët se mesatarja.

Kjo bëri që qeveria katalunase të ndërmerrte një sërë hapash drastikë për të adresuar situatën. Faturat e ujit u rritën në qiell dhe konsumi i lejuar i ujit ra nga 230 në 210 litra në ditë.

? It is forbidden for FC Barcelona players to shower after matches or training at the club’s facilities.

This is because of the shortage of water in Catalan. @mundodeportivo pic.twitter.com/1KAQBqOGpO

— Managing Barça (@ManagingBarca) December 13, 2023

Paralajmërimi erdhi edhe për lojtarët e Barcelonës. Autoritetet katalunase kanë urdhëruar skuadrën e Xavi Hernandezit që të mos bëjë dush në stadium dhe qendra stërvitore për shkak të nevojës për të kursyer ujin.

Ministri për Veprimin për Klimën, Ushqimin dhe Agjendën Rurale, David Mascort paralajmëroi Barcelonën se nëse vazhdojnë të përdorin ujin në stadium, do të duhet ta kompensojnë atë.

“Ajo që Barcelona duhet të bëjë është të kompensojë ujin që përdor nëse duan të vazhdojnë të bëjnë dush dhe të përdorin të gjitha pajisjet që konsumojnë shumë ujë. Qoftë në Montjuic ose në qendrat stërvitore”, ka thënë Mascort. /Telegrafi/