Kelmendi: Përvjetori i pavarësisë le të shërbejë për unitet drejt qëllimeve

Zëvendëskryeministri i Kosovës, Ramiz Kelmendi, ka uruar qytetarët për 9-vjetorin e pavarësisë së Kosovës.

“Kosova ka nevojë për bashkërendim të brendshëm të detyrave karshi miqve dhe partnerëve të saj strategjik”, ka shkruar Kelmendi.

Urimin e tij mund ta lexoni të plotë më poshtë.

“Gëzuar 9 vjet shtet

Duke mos harruar rrugëtimin e gjatë dhe të mundimshëm të arritjeve të përbashkëta të popullit tonë për liri; duke mos harruar breza të tërë të sakrificës dhe vetëmohimit; duke qenë mirënjohës për jetë e mot SHBA-ve dhe miqve ndërkombëtarë;

Kjo festë le të na shërbejë për unitet të faktorit të brendshëm në arritjen e qëllimeve dhe prioriteteve tona, të cilat domosdo do të derivojnë me hapjen e dyerve të BE-së, drejt integrimeve dhe liberalizimit, drejt mundësive të reja për rininë tonë.

Kosova ka nevojë për bashkërendim të brendshëm të detyrave karshi miqve dhe partnerëve të saj strategjik, andaj me urimet më të përzemërta – urime 9 vjet shtet”, ka shkruar Kelmendi në profilni e tij në Facebook. /Telegrafi/