Ka të ngjarë janë ngrirë për vdekje – dy fëmijë të vdekur brenda një makine në garazhin e një kazinoje në Detroit

Dy fëmijë u gjetën të vdekur brenda një automjeti të parkuar në hotelin Hollywood Casino në garazhin e parkimit të Greektown në qendër të Detroitit të hënën pasdite, tha policia.

Departamenti i Policisë së Detroitit thotë se një familje u vendos në garazhin e parkimit të kazinosë rreth orës 1 të mëngjesit, shkruajnë mediat e huaja, përcjell Telegrafi.

Ata kanë qenë të parkuar në katin e nëntë në një furgon të cilit i ka mbaruar gazi.

“Ata thanë se ishin të pastrehuar dhe nuk kishin një vendbanim për të shkuar”, ka thënë policia.

Sipas policisë, pesë fëmijë ishin duke fjetur në furgon.

Dhe rreth mesditës, policia tha se nëna vuri re se një nga fëmijët e saj, një djalë 9-vjeçar, nuk po merrte frymë.

Ajo më pas thirri një mik për ta çuar në Spitalin e Fëmijëve të Miçiganit.

Ndërsa ata ishin në spital, policia tha se gjyshja vuri re se një fëmijë tjetër, një vajzë 2-vjeçare, gjithashtu nuk po merrte frymë.

Më pas miku i tyre u kthye dhe e çoi në spital edhe fëmijën tjetër.

Për fat të keq, të dy fëmijët u shpallën të vdekur në spital.

Tre fëmijët e tjerë u trajtuan dhe u vlerësuan në gjendje të qëndrueshme të hënën pasdite.

Shkaku i vdekjes ende nuk është përcaktuar, por policia beson se ata “u ngrinë deri në vdekje”. /Telegrafi/