Jon, Diar dhe Anes Veseli, fitojnë medalje të arta në Podgoricë

Tre xhudistët kosovarë, Jon Veseli, Diar Veseli dhe Anes Veseli, kanë korrur sukses të madh në turneun ndërkombëtar të xhudos “Mladost Open Kup Podgorica 2014”, duke u stolisur me medalje të arta.

Në Podgoricë është mbajtur Turneru ndërkombëtar në Xhudo "Mladost Open Kup Podgorica 2014”. Në këtë turne kanë marrë pjesë afro 400 garues nga Mali i Zi, Kroacia, Bosna dhe Hercegovina, Shqipëria dhe nga Kosova, raporton Sportrks.

Kosovën në këtë aktivitet e ka përfaqësuar Klubi JK Polici i cili udhëhiqet nga veterani i njohur i xhudos, Anton Cena, si dhe Mustafë Veseli. Ky klub morri pjesë me 13 garues, dhjetë prej tyre në një konkurrencë shumë të fortë u nderuan me medalje, si dhe impresionuan me paraqitjet e tyre.

Medalje të arta:
Jon Veseli -31kg dhe Diar Veseli -50kg për fatosa, kurse Anes Veseli -46 kg për pionier.

Medalje të argjendta:
Muhamedin Veseli -28 kg/fatosa/, Arti Veseli -34 kg
për pionierë, kurse Donit Raci -50 kg në konkurrencën e kadetëve.

Medalje të bronzta:
Ari Veseli -55kg,Riad Veseli +73 kg,Erjon Racaj -38kg dhe Vendim Raci -42 kg në konkurrencën e pionierëve.

Ndërsa Kleidi dhe Lear Morina si dhe Drin Hadri mbetën pa plasman.

Trajneri i klubit, Mustafë Veseli, u shpreh i kënaqur me arritjet e xhudistëve të tij, teksa kërkoi përkrahje më të madhe nga komuna dhe bizneset që këta xhudistë në të ardhmen të korrin edhe më shumë suksese.

“Sikur të ishte përkrahja financiare e mirë për pjesëmarrje në garat tjera në rajon e më gjerë, në të ardhmen mund të presim shumë nga kjo gjeneratë. Vlen të cekët se këtë garë pjesërisht e ka ndihmuar ndërrmarrja “Iber Lepenci” për çka i jemi shumë falënderues”, u shpreh Veseli për Telegrafin. /Telegrafi/