Joe Biden prezanton planin e shpenzimeve prej gjashtë trilionë dollarë

Presidenti i SHBA-së, Joe Biden ka publikuar buxhetin e parë vjetor – një plan shpenzimi prej 6 trilionë dollarë që përfshin rritje të taksave për amerikanët më të pasur.

Propozimi do të përfshijë programe të reja të mëdha sociale dhe investime në luftën kundër ndryshimit të klimës.

Por ka nevojë për miratim nga Kongresi, ku senatori republikan Lindsey Graham e dënoi atë si “tepër të shtrenjtë”, raporton bbc.

Sipas planit, borxhi do të arrinte 117 për qind të GJDP-së deri në vitin 2031, duke tejkaluar nivelet gjatë Luftës së Dytë Botërore.

Kjo do të ishte të paktën tre trilionë dollarë taksa për korporatat, fitimet e kapitalit dhe grupin më të lartë të tatimit mbi të ardhurat.

Buxheti i Bidenit përfshin një kërkesë 1.5 trilionë dollarë për shpenzime operative për Pentagonin dhe departamentet e tjera qeveritare. Ai gjithashtu përfshin dy plane që ai ka reklamuar më parë: planin e tij të punës prej 2.3 trilionë dollarë dhe një plan familjarësh 1.8 trilion dollarë.

Ky buxhet premton:

Më shumë se 800 miliardë dollarë për luftën kundër ndryshimit të klimës, përfshirë investimet në energjinë e pastër.
200 miliardë dollarë për të siguruar vende falas në parashkolla për të tre dhe katër vjeç
109 miliardë dollarë për dy vjet falas në kolegjet e komunitetit për të gjithë amerikanët
225 miliardë dollarë për një program kombëtar për familjet dhe pushimet mjekësore – duke sjellë SHBA në përputhje me kombet e pasura të krahasueshme
115 miliardë dollarë për rrugë dhe ura dhe 160 miliardë dollarë për tranzit publik dhe hekurudha
100 miliardë dollarë për të përmirësuar aksesin në internet për çdo familje amerikane. /Telegrafi/