Ja cili është propozimi i AAK-së për listën zgjedhore

Ajo çfarë është biseduar sot në takimin e liderëve të opozitës në selinë e AAK-së ka pasur të bëjë me listën zgjedhore të opozitës, por edhe me caktimin e datës së protestës së re. Mirëpo, sipas zyrtarëve të tri partive, nuk është arritur marrëveshje.

Në anën tjetër, burime të televizionit publik bëjnë të ditur se AAK-ja ka propozuar që në listën zgjedhore të jenë 40 kandidatë nga kjo parti, 40 nga Vetëvendosje dhe 20 nga Nisma për Kosovën.

Po ashtu, sipas këtij propozimi, në listë do të ishin edhe 10 kandidatë nga shoqëria civile, transmeton Indeksonline.

Burimet bëjnë të ditur se AAK ka kërkuar që kjo listë  të zyrtarizohet vetëm atëherë kur do të shpallen zgjedhjet.

Ndërkaq Vetëvendosje ka kërkuar që të krijoji një alternativë politike të cilës do ti printe  vetë ajo.

“Është shumë e rëndësishme që qytetarëve tu japim shpresë përmes një alternative ku nuk do të bënte pjesë vetëm opozita por edhe shoqëria civile”, ka thënë zëdhënësi i VV-së.

Muharrem Nitaj nga AAK ka theksuar se është ende herët të flasim për listë të përbashkët kur akoma nuk e dimë se kur do të mbahen zgjedhjet e jashtëzakonshme.