Izraeli thotë se vrau 50 luftëtarë të Hamasit pranë një spitali në Gaza

Forcat e mbrojtjes izraelite pretendojnë se vranë “rreth 50” luftëtarë të Hamasit pas kryerjes së bastisjeve në atë që e quajti “lagje ushtarake” e qytetit të Gazës – afër spitalit Shifa.

Spitali ka qenë objekt i shumë debateve – me Izraelin që pretendon se Hamasi po grumbullonte armë poshtë ndërtesës në mënyrë që të maksimizonte çdo viktimë të mundshme civile – diçka që grupi militant e mohon.

Lexo po ashtu Në muzeun e Los Angeles shfaqet filmi për krimet e Hamasit në Izrael, mbështetësit propalestinezë dhe ata proizraelitë përleshen në rrugë

“Divizioni 162 ka operuar ditët e fundit në qendër të qytetit të Gazës në zonën e lagjes ushtarake të Hamasit; forcat e Brigadës Givati eliminuan rreth 50 terroristë”, thuhet në njoftimin e IDF-së.

Në një sulm të koordinuar që përfshin këmbësorinë, tanket, inxhinierët, forcat speciale dhe ajrore, IDF tha se “punoi për të pastruar zonën dhe neutralizuar infrastrukturën e terroristëve… duke përfshirë një rrjet të gjerë tunelesh nëntokësore”.

IDF tha gjithashtu se gjeti dokumente të inteligjencës ushtarake që i përkisnin Hamasit, raporton skynews.

Ai tha se zona ishte “zemra e inteligjencës dhe aktiviteteve operacionale”, ku Hamasi planifikoi sulmet e 7 Tetorit.

Lexo po ashtu Macron kërkon armë pushim, thotë se Izraeli ka të drejtë të mbrohet - por jo pa rregulla

“Lagjja ushtarake përbëhet nga vende strategjike terroriste të Hamasit, duke përfshirë shtabin qendror të inteligjencës dhe selinë e grupit ajror”, tha ai.

IDF tha se gjeti gjithashtu një stacion policie, zyra qeveritare të përdorura nga Hamasi dhe një strukturë trajnimi për luftëtarët e saj. /Telegrafi/