Ivanov: Jo vetëm Maqedonia, edhe vendet tjera nuk janë të kënaqura me standardet e dyfishta të BE-së

Presidenti i Maqedonis, Gjorge Ivanov, i cili po merr pjesë në sesionin e 20-të presidencial të Forumit euroaziatik ekonomik që mbahet në Stamboll, kërkoi nga Bashkimi Evropian përsëri të kthejë fuqinë e saj më të madhe, që sipas tij është evropianizimi. Ai tha se përmes evropianizimit BE-ja ka arritur të ngritë shtetet dhe shoqëritë të kontinentit evropian të transformohen mjaftueshëm, përcjell Telegrafi Maqedoni.

“Vetëm përmes evropianizimit mund të zgjerohet hapësira e paqes, sigurisë dhe prosperitetit në Evropë, Afrikën Veriore, Lindjen a afërt, në Kafkaz. Ballkanin nuk e përmenda sepse, ai është rrënja e Evropës. Por, Evropa duhet së pari të rikujtojë dhe të kthehet tek rrënjët. Pikërisht Bashkimi Evropian, motoja e së cilës është “Bashkë në dalllime”, mohoi dallimin tonë. Jo rastësisht një filozof i joni thotë se për Maqedoninë liberalizimi politik mbaron në atë moment kur nuk na njihet emri dhe identiteti. Standardet e dyfishta të mënyrës liberale na mohuan të drejtën e identitetit, por edhe të drejtën e prosperitetit. Jo vetëm Maqedonia, por edhe vende tjera nuk janë të kënaqura me standardet e dyfishta të BE-së”, u shpreh mes tjerash Ivanov./Telegrafi/