Itali, Salvini në seancë dëgjimi për abuzimin e migrantëve

Kreu i opozitës së ekstremit të djathtë në Itali, Matteo Salvini, arriti të shtunën në gjykatë për një seancë dëgjimi ku pritet të vendoset nëse i njëjti do të përballet me gjyqin për çështjen e migrantëve.

Sipas medieve të huaja, përcjell Telegrafi, Salvini gjatë vitit 2019 pati bllokuar për disa ditë rreth 131 migrantë në një anije bregdetare.

Prokurorët në qytetin Sicilian të Catanias pretendojnë se ai e keqpërdori detyrën e tij gjatë kohës kur shërbeu si ministër i brendshëm i Italisë.

Salvini i cili kryeson në partinë Lega Nord, përballet me akuza të rrëmbimit; për mos përmbushjen e detyrave dhe për vonimin e zbarkimit të migrantëve si pjesë e politikës së tij “mbyllja e porteve”.

Autoritetet vendore argumentojnë se ai rrëmbeu në mënyrë efektive migrantët, duke i mbajtur atë në det në temperatura të larta të verës, derisa aleatët evropianë u pajtuan t’ua sigurojnë banimin.

Senati italian votoi në muajin shkurt për ta shkarkuar atë nga parlamenti. I njëjti akuzohet edhe për një rast tjetër të ngjashëm, ku refuzoi hyrjen e 164 migrantëve të bllokuar në një anije të veçantë shpëtimi. /Telegrafi/