Ishin nisur për një takim, ukrainasit organizojnë pritë për komandot ruse – me antitank vrasin gjashtë oficerë dhe pesë ushtarë

Ky është momenti kur gjashtë pjesëtarë të komandove ruse, vriten në një pritë të organizuar nga ukrainasit.

Pamjet e filmuara nga ajri shfaqin dy vetura që transportonin oficerë të rangut të lartë që ishin nisur për një takim – kur befasisht goditen nga predhat anti-tank, transmeton Telegrafi.

Videoja është realizuar në vijën e frontit në Donbas në afërsi të Avdiivka, ku shihet vetura e parë sesi hidhet në erë dhe e dyta rrokulliset nga detonimi dhe dëshira për të shmangur goditjen me predhë.

Lexo po ashtu Pamje nga ajri, dhjetëra ushtarë rusë futen në një ndërtesë – hidhen në erë nga raketa e dronit ukrainas

Videoja është postuar sot nga Asntaonly Shtefan, që është kolonel në forcat e armatosura të Ukrainës. Shtefan thotë se sulmi është kryer në një lokacion të panjohur nga brigada e 56-të e ushtrisë ukrainase.

Sipas ministrisë së Mbrojtjes në Ukrainë, brigada e 56-të e motorizuar është duke vepruar në periferi të Avdiivka, dhe është stacionuar prej kohës disa milje larg vendit që kontrollohet nga rusët – pra Donetsku.

“Gjashtë komando ruse dhe pesë ushtarë janë vrarë”, ka shkruar Shtefan. /Telegrafi/