Ish-mbrojtësi i Real Madridit bëri tatuazh emrin e vajzës së tij, vetëm për ta kuptuar se nuk ishte babai i vërtetë i saj

Ish-mbrojtësi i Real Madridit, Vinicius Tobias, bëri tatuazh emrin e vajzës që mendoi se ishte e tija, vetëm për ta kuptuar më vonë se nuk ishte babai i saj biologjik.

Ishte ish-gruaja e tij, Ingrid Lima e cila e bëri këtë të ditur, përmes një testi të ADN-së.

Megjithatë, për çudinë e lojtarit, i cili nuk ishte në dijeni fare për këtë fillimisht, vendosi të bënte një tatuazh të vogëlushes, me fjalët: “Maite të dua”.

Lima e cila njoftoi më 8 tetor lindjen e vajzës, Maite, zbuloi se futbollisti 20-vjeçar, nuk ishte babai biologjik i vajzës.

Ajo gjithashtu tha se kishte shkuar me një burrë tjetër, pasi u nda kohë më parë nga Tobias.

“Unë dua të jap një deklaratë për diçka që po bëhet bezdisëse dhe që, për fat të keq, do të më duhej të dal publikisht për t’ju dhënë një shpjegim. Vinicius dhe unë nuk kemi qenë bashkë për një kohë të gjatë. Gjatë asaj kohe, unë isha në një lidhje me dikë dhe ai ishte me dikë tjetër. Të dy vazhduam jetën tonë, të ndarë. Ndërkohë erdhi në jetë Maite, vendosëm të bëjmë një test të ADN-së, dhe Maite nuk është vajza e Vinicius”, deklaroi ajo për DailyMail. /Telegrafi/