Irma Libohova mban fjalën (Video)

Në karrierën e gjatë dhe të suksesshme të këngëtares Irma Libohova, festivalet në të cilat ajo ka marrë pjesë janë të shumta.

Megjithëse thotë se jo çdo herë i ka ecur mirë me festivale, çmimet për këngëtaren nuk kanë munguar, madje edhe të para, raporton Express Summer.

Çmimin e parë ajo e kishte marrë edhe në Festivalin “Kënga Magjike”, para disa vitesh kur ishte mbajtur në Prishtinë.

Kënga “Prapë tek ti do të vij” ishte ajo me të cilën kishte marrë pjesë dhe që atëherë kishte vendosur që më nuk do të marrë pjesë asnjëherë në gara muzikore. Dhe për këtë thotë se nuk ka ndërruar mendje.

Gjithsesi, këngëtarja e njohur ka një konsideratë të madhe ndaj këngëtarëve të rinj. Në Talk, ajo tregoi se ka dy emra të preferuar.

Irma Libohova këtë verë do të jetë pjesë e Maratonës së Këngës Popullore Shqipe, që do të mbahet nëpër qytete të ndryshme shqiptare.

Ajo ka thënë se zotimin që e ka bërë para rreth dhjetë vitesh se nuk do të marrë pjesë nëpër gara të këngës, do ta mbajë deri në fund.