Interesim i jashtëzakonshëm: Mbi 30 mijë persona ndjekin në kohë reale fluturimin e Messit për në Paris

Se është njëri ndër më të mirët e të gjitha kohërave në futboll, nuk ka asnjë dyshim – këtë Lionel Messi e ka dëshmuar ndër vite.

Derisa ka arritur të ndërtojë një karrierë të bujshme për 21 vite qëndrimi te Barcelona, ylli argjentinas ka rrëmbyer edhe zemrat e shumë tifozëve me lojën e tij.

E kjo tregohem ë së miri edhe në momentin kur aeroplani i tij u nis nga Barcelona për në Paris, derisa tifozët kanë shfaqur një interesim të jashtëzakonshëm për këtë fluturim.

Lexo po ashtu Messi niset drejt Parisit me familje për të finalizuar transferimin

Derisa në momentin që artikulli është botuar, mbi 30 mijë persona e kanë ndjekur në kohë reale (në momentin që aeroplani u fut në zonën e Parisit, numri i personave që e ndiqnin fluturimin në kohë reale ishte 100 mijë) fluturimin e 34-vjeçarit për në kryeqytetin e Francës.

Para zyrave të PSG-së dhe aeroportit në Paris, janë mbledhur mijëra tifozë dhe po e presin arritjen e Messit.

Lexo po ashtu “Po, Leo do të nënshkruajë sot me Paris Saint-Germainin” – babai i Messit finalizon transferimin

Natyrisht se festa do të jetë e madhe, duke ditur se lojtari që konsiderohet si më i miri në botë, po arrin në qytetin e tyre.

Fluturimin në kohë reale të Messit për në Paris mund ta shikoni KËTU. /Telegrafi/