Indianët shkuan për turizëm në Moskë – Rusia i arreston dhe i dërgon në luftë në Ukrainë

Shtatë qytetarë indianë deklaruan përmes një video-mesazhi se autoritetet ruse po i detyrojnë ata të luftojnë në Ukrainë.

Videoja është publikuar në platformën X nga gazetarja e NDTV të Indisë, Uma Sudhir.

Indianët pretendojnë se ata shkuan për turizëm në Rusi në fund të dhjetorit të vitit 2023 dhe se më pas një agjent udhëtimesh u ofroi atyre të vizitonin Bjellorusinë, për të cilën gjë ata ranë dakord.

“Nuk e dinim se kishim nevojë për vizë. Kur arritëm në Bjellorusi, agjenti na kërkoi para dhe më pas u zhduk”, thotë një nga shtetasit indianë, raporton ukrinform.

23-year-old man who said he is from #Gurdaspur #Punjab #GagandeepSingh called @ndtv @ndtvindia to appeal to @MEAIndia @states_mea @DrSJaishankar to help them return to India; says 7 of them who met in Russia may be deployed any time, without any training, to fight war in #Ukraine pic.twitter.com/re6eFuyY1v

— Uma Sudhir (@umasudhir) March 4, 2024

Me të arritur në Bjellorusi, shtetasit indianë u ndaluan nga policia. Më pas turistët iu dorëzuan autoriteteve ruse, të cilat i detyruan të nënshkruanin dokumentet në rusisht pa ofruar një përkthyes.

Pas kësaj, sipas portalit indian News 18, ata iu nënshtruan trajnimit ushtarak pesëmbëdhjetë ditë, dhe më pas u dërguan në front. Indianëve iu shpjegua se alternativa e shërbimit ushtarak mund të ishte një dënim me burg prej 10 vjetësh.

Lexo po ashtu Moskës po i kushton shtrenjtë lufta në Ukrainë, Kievi pretendon se brenda 24 orëve të fundit kanë vrarë 1.250 ushtarë rusë

Sudhir, e cila postoi videomesazhin, vëren se bashkëqytetarët e saj “mund të dërgohen të marrin pjesë në konflikte në çdo kohë”.

Autoritetet indiane njoftuan në muajin shkurt se po përpiqeshin të riatdhesonin rreth 20 qytetarë indianë që kishin vizituar Rusinë dhe përfunduan në ushtrinë ruse. /Telegrafi/