Imazhet satelitore tregojnë mbi 1.500 varre të reja në afërsi të Mariupolit të pushtuar

Në analizimin e imazheve të reja satelitore, shfaq më shumë se 1.500 varre që janë hapur në atë që po cilësohet si varrezë masive në afërsi të Mariupolit, që ishte nën kontrollin e rusëve që nga maji.

Siç raporton BBC, imazhet e fundit satelitore nga Maxar shfaqin tri varreza masive të lokalizuara në Staryi Krym, Manhush dhe Vyonhradne në afërsi të Mariupolit, që janë rritur dukshëm që nga pranvera, transmeton Telegrafi.

“Qendra për Rezistencën e Informacionit analizoi imazhet e Staryi Krym për programin Panorama të BBC-së, dhe arriti në përfundimin se 1.500 varre të reja ishin gërmuar atje që nga analizimi i fundit i imazheve në vend në qershor. Tani vlerësohet se më shumë se 4,600 varre janë gërmuar atje që nga fillimi i luftës, edhe pse thuhet se nuk mund të dihet se sa trupa janë varrosur në vend”, thuhet në raport.

More than 1,500 new graves have appeared near Mariupol since June

According to residents of Mariupol, recently the occupation authorities have been removing bodies from under the rubble and taking them to mass graves.

📰 BBC citing an analysis of Maxar satellite images pic.twitter.com/MFWQu4s720

— NEXTA (@nexta_tv) November 7, 2022

Banorja e Mariupolit, Tatyana, e cila humbi djalin e saj në luftime, ka bërë të pamundurën për ta gjetur atë dhe këtë verë vizitoi një varrezë masive në Vynohradne, me mbi 800 varre të freskëta, pranë Mariupolit në kërkim të tij.

Ajo bëri një fotografi të vendit në Vynohradne. Shumë varre në vend janë shënuar me pankarta të vogla, që mbajnë numra dhe gjininë, por jo emra.

“Shumica e kufomave janë të paidentifikuar”, shtoi Tatyana.

Personat e tjerë me të cilët ekipi i BBC-së bisedoi në morgun e improvizuar në Mariupol, derisa ata përpiqeshin të tërhiqnin trupat e më të dashurve të tyre, thonë se janë detyruar t’i analizojnë trupat për të konstatuar nëse janë familjarët e tyre. /Telegrafi/