Imane Khelif thyen heshtjen me një mesazh me tri fjalë në rrjetet sociale

Fitorja e Imane Khelif kundër Angela Carinit në boksin e femrave ka shkaktuar polemika në Lojërat Olimpike.

Carini u tërhoq 46 sekonda në meçin kundër Khelif pasi vendosi se nuk mund të vazhdonte më pasi u godit me dy grushte.

Debati buron nga Khelif që më parë dështoi në një test të përshtatshmërisë gjinore që do të thotë se ajo u skualifikua nga Kampionatin Botëror të vitit të kaluar.

Ajo u lejua të garonte në Paris 2024 në fillim të këtij muaji, si dhe konkurrentja e Tajvanit Lin Yu-ting pasi u administrua nga një organ tjetër për Kampionatin Botëror.

Gara e vitit të kaluar në Indi u organizua nga Shoqata Ndërkombëtare e Boksit (IBA), e cila nuk është më një federatë e njohur nga Komiteti Olimpik Ndërkombëtar (IOC).

Lexo po ashtu Angela Carini u paralajmërua të mos luftonte me Imane Khelif në Lojërat Olimpike, por ajo përjetoi goditje si asnjëherë më parë

Pas fitores së saj kontroverse, algjeriania theu heshtjen e saj në rrjetet sociale me një mesazh për fansat e saj.

Ajo ka shkruar në llogarinë e saj zyrtare në Instagram: “Elhamdulilah. Fitorja e Parë”.

25-vjeçarja do të përballet me hungareze, Anna Luca Hamori, pasi ajo mundi australianen Marissa Williamson me vendim me pikë.

Ndeshja e tyre do të zhvillohet të shtunën më 3 gusht në orën 16:22.

Khelif iu shmang mediave pasi doli nga arena pas fitores së saj të diskutueshme kundër Carinit. /Telegrafi/